TE HUI MAORI KI PARIKINO.
(He mea tango mai i te Whanganui Herara, nupepa.) He hui nui te hui a nga Maori i Parikino, he pai rawa. E 800 tae kite 1,000 nga Maori i tae ki taua hui, a he nui nga tikanga i mahia hei putanga mo te atawhai ki nga tangata katoa atu i hiahia kite haere mai ki taua hui. I timata te liakari me nga mahi whakakoakoa i te ra Kirihimete, i haere mai hoki nga tamariki o Iruharama i taua ra kia kite i o ratou hoa tamariki i Parikino. Bawe ana o ratou kakahu katoa, kaore he paru kaore he aha, kitea ana te ata mahi kite whakapaipai i a ratou. Ite ahiahi ki mua tonu o te Kirihimete ka hui aua tamariki ki roto kite whare kura, katahi ka korero ngutu ki reira, etahi korero i akona ki a ratou, pai ana ta ratou korero, ahuareka ana nga tangata whakarongo. I kiki rawa te ruma, no reira ka hohoro te mutu o te mahi, hoki ana nga tangata. Ite aonga ake ka hui ano ki waho o te whare, ka tuwhaia nga mea, ara nga pukapuka, ki nga tamariki e Bihari "Wunu, Kai-whakawa, hei tohu matauranga. Pai ana te tuwhanga o nga pukapuka ki nga tamariki, whakatikaia ana e te katoa. I reira ano nga tangata o nga Komiti o nga Kura e matakitaki ana, me etahi atu Maori rangatira tokomaha. Ka mutu te mahi tuwhatuwha i nga mea tohu matauranga katahi a Bihari "Wunu, Kaiwhakawa, raua ko Te Teira, minita, ka whai korero ki nga tamariki, i whai korero hoki etahi o nga rangatira Maori ki aua tamariki. Katahi ka haere katoa nga tangata kite whare teneti nui, i whakaarahia ano mo taua mahi; i reira te kai mo te Kirihimete e tu ana, he nui rawa taua kai, he pai rawa. Ko nga kai nei ano etahi ote Kirihimete, ara ko nga kiko kau, aha atu, he mea tunu; tera hoki nga purini, nga keeki, mete tini atu o nga kai reka. Whai pureti rawa ai ano, me nga naihi me nga purau, me nga tuari me nga tangata mahi kia rite katoa ai nga hiahia a nga manuhiri i haere mai ki taua hakari. Ko nga rangatira, nga tangata o nga Komiti o nga Kura, me nga matua o nga tamariki, i kai i te tuatahi, muri iho ko etahi tangata, muri iho ko etahi, a rupeke noa nga tangata katoa. X te ata o te Batapu i a te Teira minita te karakia, raua ko te Eruera minita Maori. He tokomaha nga tangata i hui kite karakia; i kiki rawa te whare karakia nui. I te mutunga ote karakia ka marenatia etahi tangata e wha te kau pea, ka iriiria hoki nga tamariki e riraa te kau i te aroaro o te whakamenenga o te tangata,. Koia ano ta matou i ki ai ki runga ake ra, he nui te mahi mo taua hui hei putanga mo te atawhai; ko te hui Maori nui rawa tenei o nga hui katoa i tu ki taua kainga o mua iho, e 800 tae kite 1,000 pea nga tangata i tae mai ki reira. He nui rawa atu te kai, a i atawhaitia katoatia nga tangata katoa i tae mai ki reira, ahakoa Pakeha, Maori ranei.
[I te Hakari i te Kura o Iruharama i a Tihema, 1874, i ki a Hakaraia lie iiui tona whakapai, tona hari, ki taua hakari, a kua tuturu tona whakaaro kia karangatia he hakari pera kite "Whare Kura ki Parikino i a Tihema, 1875, ka tonoa hoki e ia a Ngatihau ratou ko a ratou tamariki kura kia kaere ki reira. E hari ana matou ki aia kaore nei i wareware ki taua kupu a ana. —Kai Tfhi o te Waka Maori.]
Permanent link to this item
https://paperspast.natlib.govt.nz/newspapers/WAKAM18760125.2.11
Bibliographic details
Waka Maori, Volume 12, Issue 2, 25 January 1876, Page 12
Word Count
637TE HUI MAORI KI PARIKINO. Waka Maori, Volume 12, Issue 2, 25 January 1876, Page 12
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in