TE WHAKAMOMORITANGA O HEMANA TARANUI.
(He mea tango mai no te nupepa o Tauranga.) Kua kite matou i tetahi reta no Maketu, i tuhia mai itelo o nga ra o Hune; ko etahi enei o nga korero o taua reta, ara; —"Kaore he nui o te korero o te whakamomoritanga o taua rangatira taitamariki nei, a Hemana ; engari he korero tikanga ano. lie nui tona korero ki tona matua-keke, ki a te Pokiha, i te takiwa kua taha ake nei, ki nga korero kino mona, korero aroha kore, a tona -wahine ratou ko ona whanaunga (ara, ko te whanau a Arama Karaka); he ki na ratou he uri tutua ia, he tangata kore whenua, kore kainga, kore aha atu. Ko tona taenga whakamutunga mai ki konei ko te takiwa i a Rewi Maniapoto i konei—te kau nei nga ra kua pahemo atu. Kaore e mohiotia ana i tenei wa he take ke atu i whakamomori ai, engari he ahua pouri rawa tona ahua i te wa kua pahemo ake nei. Ite ra tonu i whakamomori ai (te Ratapu, Hune 6), i tomo ia ki roto kite whare o Poia, i Matata, ka mau kite pu a Poia ka takaia ki roto kite kahu Maori, ka haere ki tona whare ake ano, ka purua te pu, ka takaia te ekiha ki tona upoko, ko tetahi pito i waiho kia tarewa ana hei arai i tona kanohi; katahi ka kiia te tatau, ka noho ki runga ki tona moenga tangi ai. Tera tetahi wahine e haero ana i waho, ka rongo taua wahine ki te tangata ra e tangi ana ka haere kite whare ui ai ki tona mate; ka karanga mai te tangata ra, 'Ko koe tena, e mea ? ' ka whakahua marire i te ingoa o taua wahine. Katahi ia ka karanga mai, ' Hei kona ra/ muri tonu iho ka pupuhi i a ia. Ka rongo nga Maori kite pakutanga otepu ka wahia e ratou te tatau — titiro rawa atu e takoto ana, kua mate rawa. He nui te pouri o te iwi o Arama Karaka mo te matenga o taua tangata; kaore rawa ratou e mohio ana kite take, no te mea ko ta ratou mahi he manaaki he whakanui tonu i a Hemana, he tangata hoki ia e mate-nuitia ana e te iwi.
Permanent link to this item
https://paperspast.natlib.govt.nz/newspapers/WAKAM18750720.2.11
Bibliographic details
Waka Maori, Volume 11, Issue 14, 20 July 1875, Page 165
Word Count
384TE WHAKAMOMORITANGA O HEMANA TARANUI. Waka Maori, Volume 11, Issue 14, 20 July 1875, Page 165
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in