HE KUPU WHAKAATU KI NGA HOA TUHI MAI.
Ka nui to matou pai ki nga rangatira o nga iwi, me nga tangata whai matauranga katoa atu, kia tukua mai e ratou nga Korero tukunga iho a nga tupuna o ia iwi o ia iwi he whakaatu i nga tikanga o te rerenga mai o nga tupuna ki tenei motu i mua ai. Ka pai rawa matou kite whakatu i aua tu korero ki te reo Pakeha, ka panui atu ai ki roto kite Waka Maori. He tokomaha ano nga Pakeha whai matauranga kua whakaaro nui, kua rapu noa, kite putake mai ote iwi Maori e noho ana i enei motu, ahe mea ahuareka rawa ia kite katoa atu ote iwi Pakeha. E whakaaro ana matou ma te panuitanga o nga korero pera o nga iwi katoa, i tukua iho e nga tupuna o tena iwi o tena iwi, ma reira e ahua marama ai tetahi wahi o taua tikanga ngaro, otira, tikanga ahuareka ano. Tetahi, hei ohatanga pai ia, hei whakamaharatanga mo nga whakatupuranga o te iwi Maori kua ngaro atu nei. Mea ake ngakaumatua torutoru e toe nei, matau ki aua korero, te haere ai kite ara o nga kikokiko katoa, a e kore e mahue etahi hei wliakamarama i nga korero o nga " Aitanga a Tiki." A, he tika kia tuhituhia rawatia aua korero i te takiwa ano e ahei ai te pera. Ko nga nupepa, timata mai i a Hanuere kua taha nei, tenei kua tukua atu ki a Kiwi, te tangata i te " ingoa roa," e ai ki tana. Ko Hata te Kani, o Arapaoanui, Ahuriri, me titiro kite Waka, hei reira ia te kite ai ko te tangata e hiahia ana kite tango nupepa me tuku mai kia te 10s. kite Kai Tuhi ki Po Neke nei. Ka tukuna peratia nga nupepa ma Panapa te Nihotahi me tana i ki ai. Mo te reta a Hutana Taru mo te mahi haurangi, i panuitia i roto i te WaTca o te 16 o Hune kua taha nei, ko Hohaia Rangiauru o Motueka, Porowini o Wakatu, e tuhi mai ana e ki ana ko Riwai Turangapeke, he tangata rangatira ano, kua mate "i te toa ote paparikauta," na te waipiro i pata. " Kaore i mohio tona whanaunga ki tona matenga. Kua mahue noa i a ia on a tamariki i te ao nei kia noho pani ana, kaore i whai poroporoaki ki a ratou. Me i mate kongenge, kua whai poroporoaki pea. Koia ai i tika ai kia whakarongo tatou ki nga tangata e korero ana kia whakarerea e tatou te kai waipiro."
He moni kua tae mai:— £ s . d. 1874. —T. H. W. Tapiata Kiwi, o Whangapoua, Takiwa o Hauraki (No. 1) 0 10 0 „ Hoani Te Toru, o Kerei Taone, Wairarapa (No. 1) 0 10 0 £1 0 0
Permanent link to this item
https://paperspast.natlib.govt.nz/newspapers/WAKAM18740714.2.2
Bibliographic details
Waka Maori, Volume 10, Issue 14, 14 July 1874, Page 169
Word Count
474HE KUPU WHAKAATU KI NGA HOA TUHI MAI. Waka Maori, Volume 10, Issue 14, 14 July 1874, Page 169
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in