Untitled

Waka Maori, Volume VII, Issue 6, 21 June 1871, Page 31

Ka nui rawa te mate o tena iwi o te Wi Wi inaianei. Hua noa kati he mate mona ko tona matenga i a te Puruhiana. Ko tenei ko ia ano kai te patu i a ia, ko te Puruhiana kai te matakitaki kau i tana mahi e titoki nei ratou i a ratou. Ite mutunga ra ano o te riri o te Puruhiana ka tomokia e ratou te taone nui o Wi Wi, a Parihi. Ki liai i roa e noho ana ka hoki mai ki waho ka waiho ano te taone ki a Wi Wi, kua whakaaetia hoki nga tono a te Puruhiana hei maunga rongo. Katalii ka hoki te nuinga o te Puruhiana ki to ratou kainga, ko etahi i noho i o Wi Wi kite tiaki i nga taone kia ata oti nga whakaritenga i whakaritea ai. Taua riri ote Puruhiana e ono marama e riri ana (ara ISO nga ra), no te timatanga tae noa kite whakamutunga. Nga parekura o taua riri hui katoa ka kotahi rau e rima te kau ma ono —te kau ma •vvhitu o aua parekura he parekura nui rawa. JS'ga taone me nga kainga parep ire o "VV i Wi i riro ki a ratou e rua te kau ma ono; nga pu nui i

riro c ono mano e whitu rau; nga kara (paraki nei) o te Wi Wi i riro kotahi rau e rua te kau ; nga apiha o te Wi Wi i riro herehere ka kotahi te kau ma talii mano e ono rau e rima te kau; nga herehere o nga hoia noaiho e toru mu e ono te kau ma torn mano! Ko nga mea i tino mate mawai e tatau! Anana! kei hea te riri kia rite Id tenei te nui o te mate i roto i nga marama e ono! Otira ki hai i ngata tc puku riri o te Wi Wi. Ki hai ano kia ata puta te Puruhiana ki waho o Parihi kai runga ano te iwi ra (a "Wi Wi) e tutu ana e riri ana ki a ratou ano. E rua rau mano nga hoia o ratou i tahuri kite Kawanatanga patu ai. Inaianei kua nui hacrc taua riri; e tohe ana tetahi kia riro i a ia te mana o te whenua, e tohe ana tetahi kia riro i a ia. Kua nui nga parekura—he riri tonu tana mahi i tena ra i tena ra, i ahua rite tahi te kaha. Otira, i tenei takiwa e ki ana, tera e riro i te taha Kawanatanga te otinga—ko etahi kainga i nohoia e te hunga tutu, kua taea e te Kawanatanga, i taea rapea i rung;: i te uaua, i te mate. Ko Parihi kei taua hunga tutu e nmu tonu ana—e rua rau mano o taua iwi kei roto i te taone, rahi ake ranei. Ko te Kawanatanga kei waho e awhi ana i taua taone. Ko etahi parepare me etahi kainga o waho rawa kei a te Kawanatanga. Ko tenei. e riri tonu ana i te ao i te po—e kokiri tonu ana nga tangata o roto o te taone ki waho riri ai ona mano tini. He nui ano nga tangata kai roto i te taone e pai ana kite taha Kawanatanga, otira he mataku kite hunga tutu. E ki ana ka taea te taone apopo ake nei ka rere ratou ki roto kite Kawanatanga. Te main a te iwi tutu he to i nga tangata katoa o te taone ki roto ki a ratou riri kite Kawanatanga—ka kore e rongo ka herea, he mea ano ka patua rawatia. Ko nga minita me nga tangata whakapono e tino

kinongia ana e ratou. Kotahi te Pihopa i whiua kinotia e ratou kite wipu—a, iki hoki ratou ka patua rawatia taua Pihopa ka kore e homai e te Kawanatanga. e te Hahi ranci, nga moni e hia ra mano pauna kia whakaorangia ai. He nui nga main kino a taua hunga—ko Hatana tonu kai te whakahau i a ratou. Otira meake te taone taea ai e te Kawanatanga ; lie nui o ratou kua riro herehere i te taha Kawanatanga—he nui hoki nga mea kua mate rawa, taha, o tetahi taha ano. Ko te Puruhiana e ki ana ka kore e hohoro te taea te taone etc Kawanatanga ka uru ano ratou te riri, ka huaki kite taone. Kite penei, kite uru ano te Puruhiana ki taua riri, e maharatia ana tena e whakahokia inai e rr.tou (e te Puruhiana) a Naporcona ka whakatiiria ano ko ia hei Kingi mo U"i Wi. Kua taea pea tenei te taone e te taha Kawanatanga—waiho, hei te putanga mai o tera meera te rongo ai tatou.