TAUPO.
Ko Ihakara Kahuao, ko Eru Oho (tama a te Poihipi) me etahi atu, tenei kua tae mai ki Nepia nei i te 4 o nga ra o Hanuere nei. E korero ana aua tangata kua huihui te Hau Hau kite hui o te Kingi i Tokongamutu ki te whakarongo ki tana kupu hapai patu, kia patua nga maori Kuini me nga pakeha. Kua rupeke nga Hau Hau o Ngatiraukawa, o Tarar.aki, o Wairarapa, o Hauraki (Nr>timaruj o te Urewera o "Waikare Moana, o Taupo, o Tukua i Whanganui, o hea atu hoki—kua rupeke katoa ki reira. E ki ana hei te 2S o nga ra o Hanuere nei hei reira ka puta te kupu a te Kingi kia hapainga te patu, kia moe ranei. Mehemea ka puta tana kupu patu kua patu tonu i Taupo, i a
te Arawa ranei, i etahi atu wahi ranei. Mehemea ka puta tana kupu moe, penei e waiho ana tenei tau kia mahi ia ki tona Atua, hei tera tau hapai ai te patu. Otira ko tona tino hiahia ko Taupo. Ko te take, ko te kupu a te Kawana i ki me noho he hoia ki Taupo. Koia i puta ai tona hiahia kia patua nga maori Kuini o Taupo koi tae mai nga hoia ki a ratou noho ai. He mea kia riro ki a ia anake tera kainga a Taupo. Ko te tino weld tenei o nga maori Kuini o Taupo, no reira i tukua mai nga karere ki Nepiakia haere atu he hoapakeha mo ratou ki Taupo. Tae rawa mai nga karere ki Nepia kua riro te Makarini ki Po Neke.
He mea korero mai ki a matou nga korero i runga ake nei na nga tangata i haere mai i Taupo. I tuhia e matou i tera nupepainatataneinga panuitangaa te Kingi kite tikanga o tana hui ki Tokansamutu — l ki nei tera "he tau hou tenei, he tau ngehe, he tau pai." Katahi hoki ka rongo ki tenei tikanga hou ana, ko te patu. Otira, ehara pea i te pono, he korero noaiho ra pea. He parau noa ranei na nga mea ote Hau Hau e hiahia ana ki nga mahi pera—ara te riri, te pntu, te muru. Me ata noho te Hau Hau, kaore hoki he tangata e poka ana ki a ia. Te utu o tona mahi i mua, he mate, he riro no tona kainga ; akuanei kite mahi ano ia i tona mahi ka mate ano. Te te ki a te Karaipiture;— "Ko ratou katoa hoki e mau ana kite hoari, te maru ano ite hoari."
Permanent link to this item
https://paperspast.natlib.govt.nz/newspapers/WAKAM18680109.2.11
Bibliographic details
Waka Maori, Volume V, Issue 18, 9 January 1868, Page 116
Word Count
431TAUPO. Waka Maori, Volume V, Issue 18, 9 January 1868, Page 116
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in