Taueru, Mahitaone.

Puke ki Hikurangi, Issue 17, 26 October 1898, Page 4

Taueru, Mahitaone.

Hepetema 30th 1898. Kite Etita o "Te Puke Ki Hikurangi," Kia Purakau Maika, E hoa tena koe, mau e uta atu enei kupu, akuanei tuhia iho ai, hei hari atu ma ana ki nga pito e wha o ngu Motu e rua, ma ratou e titiro iho, e hoa ma tena n koutou nga Taane, nga Wahine, ng-a Tamariki, kia ora, ma te Atna i te waahi ngaro tatou e tiaki e whakaora, heoi te mihi.. Taku korero, he kitenga nokm ite whakahe a tetahi tangata i roto i te nama 15 o "Te Puke Ki Hikurangi," e whakahe ana i te korero a tetahi tangata i tukua i roto i te Tiupiri, mo nga Waka nei, mo Takitimu raua ko Kurahaupo, me Horouta, e hoa e te Whakangaro, Makahue, noku tena hoa e whakahe ana koe, ara, na te whakamaramatanga inga Waka e korero nei koe, he Waka ke a Takitimu, he Waka ke hoki a Horouta, mean tangata, e whakanohonoho nei koe, me Ruawharo raua ko Kauwhataroa; e hoa kaore au e tae atu kite uranga mai ote ra engari, ka whakahe atu au i konei, mo o korero, tae noa ki to waiata; i whati hoki to waiata ko tenei kupu hoki i mahue i a koe, "kia taua kite marangai," kaati kia kite iho koe, hei kata Hoki mau; e hoa ma, enga pukenga wananga i runga i te Motu nei whiti atu ana ki tera Motu, whakarongo mai, kotahi tonu tenei Waka i kiia nei e taku hoa, e rua nga Waka, kotahi tonu ko Takitimu anake, i te toanga mai i te waonui a tane, ko te ngari o tena Waka koia tenei:— "Tau ake hoki au i taku tau nei, ko Rua Tipua.ko Rua Tawhito, ngarue i runga, ngarue i raro, ngarue ite iho o Taane, te iho o Taane, ko taku Waka ko Takitimu rere mai te maramara'ko Ihinui ko Ihiroa ko teAwhio Rangi, ko wai kei runga nei e tu pa whai ake, ko au ko Uenuku e, e tu pa whai ake, e Rata e beaha tau hanga, e tu pa whai ake, tmgi ko riri ana te tangi a te whao, e tu pa whai ake, e tangi ana ki tana iho. i maka ki tawhiti, e tu pa whai ake; "ka mutu tena ka tae kite pekanga o te huanui kite kaainga o Rua, ka takahia e Rua, iteNiao o te Waka, to noa kaore hoki i taea, no te whakaaetanga onga tangata katahi ano ka takiritia tona waewae kataii ano ka karanga a Rua, na wai i takiri tfiku waewae, "na Rua i takiri taku waewae, ka haere te Waka, ka tae ki waho ite Whare o Rua, ka po ka peke atu te tini ( o te Hakuturi, ka hangaia, ka oti nga rauaw>a., ka oti te rapa ka oti te tau ihu, katahi ano ka toia ki ro wai, ka karakia tia e Rua, koda tenei; — "Unumia te Kawa, takina te Kawa, lie Kawa tua nihinihi, he Kawa tuarangarangss>

ko te Kawa o wai, ko te Kawa o Takitimu, te inumia te Waka o tirari, te inumia te Waka o tirara, te intunia te Waka o Bbngokako, te intunia te Waka o Tarmatea-mai-Tawhiti, ka mutu, ka riro ia Tamatea tenei Waka, ko nga tangata o runga ite Waka nei, HokoWhitu koia nei te ki anga tangata matua ko Tamatea te Bangatira, ko Takitimu te Waka, e kore e taea e au te whakapau inga korero; no te taenga mai kite moana, e rere ana mai ki tenei Motu, kua paia enga heke o mua, katahi ano ka hiko a Tamatea i tana toki, kia te Awhiorangi, ka tapatapahia nga ngaru e wani ka puta mai ki tenei Motu, tae rawa mai e whakapapa tonu ana nga Waka, 0 te heke o mua, he mataku inga tairo a Kupe, Ite tumatakuru i te taraongaonga, ka u«a Tamatea ki uta ka hikaia tona ahi ka tahuna te Whentia; koia nga pungarehu e pukai mai ra i tera Motu, katahi ano a Tamatea ka haere i te Motu nei haere ai, no kona te rua o ona Ingoa, ko Tamatea-Pokai-Whenua, no Hawaiki ko Tamatea-mai-Tawhiti, ko te Ingoa o te Waka, mo te tere i kiia ai, ko Horouta, koia au i ki ai kia» marama mai i a koutou kotahi tonu tenei Waka, ko Takitimu anake, no te horonga i te Whenua, iriga maunga ko Horouta, kaati me tiki atu e au kia Rongokako, kite tangata nona tenei Waka, tango mai ai;— Na Rcngokako ko Tamatea ko Kahungunu ko Kahukuranui ko Rongomaitara ko te Aonui ko Hinetekawa ko Hineteata ko Kotore ko Hinepehinga ko Tapuwae ko te Matakainga ko te Kahu o te Rangi ko Whare Atua ko te Wainohu ko te Herewini, ko au tenei e hika ko Hori Te Huki me ana Tamariki, kaati tenei:— Ko Rongokako ano ko Tamatea ko Kahungnn'j ko Kahukuranui ko Rakaihikuroa ko Hinete raraku ko Tutatara ko Marutauhea ko Patutu ko Amo-ake-i-te-Rangi ko te Kura Takawnaki ko te Rangi Taunonoikura ko te Riponga ko Kiriwai ko Hikarahui ko Marama ko Tunewa ko Tuwhakatahito ko Hine-i Auruitia ko au tenei e hika ma ko Hori Te Huki ko te Wainohu, me ana Tamartki. Kaati nga whakapapa e tukua eau koi ngenge a "Te Puke Ki Hikurangi," l te pikautanga ki k nga Marae o tama ma:— E hika, e taku hoa e taku mokopuna ranei, e whakahe nei eki nei Jtioki koe kei a koe anake te Whare wananga,.-e tama kaore ra i kotahi te tangata nana i ara te po, ka mutu ano te tangata i waho o te Whare wananga, ko Tupai whakarongo wananga nana i hopu nga korero o roto o te Whare Kura, mo tenei kupu au, ko koe te putake, he peka etahi tangata, nga mea ano kia koe ko nga korero i mohio i etahi tangata koia tenei, kaua hei whakahetia nau i whakahe katahi hoki au ka whakahe, kaati ano mo Kurahaupo e whakamarama nei kpe, no Kau Whataroa, ko taku i rongo ai ki o tatou Tipuna, no Whatonga ke tena Waka, nana hoki i mau mai tenei rakau te tawa, no kona i kiia ai ko Tapere Nui-o-Whatonga, ko te tangata nana i tiki te Kumara, ko Pou i mauria mai ia Taane, i utaia mai ki runga kia Ruakapanga, kite Manu-a-Taane, kaati i konei aku whakamarama; kia ora koe te tangata nana enei kupu i whakautua nei e au, ma te Atua koe e tiaki me au hoki i konei i raro ite mana o Ihu Karaiti a"tnine. * Heoi ano Na Hori Te Huki.