Sandy on the Elections

Northland Age, Volume 5, Issue 5, 1 November 1935, Page 7

Sandy on the Elections

CANDIDATES AN’ ITHER THINGS Wcel, Maister Editor, ye’ll dootless ken that a new staur has risen in the North. A mean, ye’ll ken, that the Carneron is on the warpath. Nae doot he’ll hae Che pipes skirlin’ an’ the tartans fleein’ i’ the wind afore very lang noo. Hooever that may be, there’s nae doot Clive is a rale nice laddie, an’ he can baith tak an’ gae hard anes. In fact ilka body says “he’s a rale guid sport.” Whan A was telt that he was the chosen man for the National Fed. A says tae masel’, “Noo, Sandy, ye’ll hear the auld skirl o’ the pibroch an’ aiblins ere a’s dune the wailing o’ the lament. Ye see, they canna a’ win. Only ane can be M.P. for the Bay, at ony rate at ae time. O’ coorse, gin they took it in turns the hale bang lot wad be M.P.s in their turn, but A’m kind o’ feard that cock’ll no fecht. -Let me see, we hae an Independent Labour, anither Independent Liberal, a third ane’s the founder and leader of a new pairty called the Reconstruction Pairty. (Mind ye A’m kind o’ hazy what this pairty’s gaun tae reconstruct an’ hoo they’re gaun tae daet). Hooever the Leader will ken, an’ that wull hae tae dae us till we ken mair aboot it. The fourth ane is the auld war horse that’s feedin’ oot o the Bay’s manger the noo. Then comes the new National Fed. man. Dod, it’s gaun tae be a graund battle amang them a’. A wis telt yesterday nae faurer gone, that ae candidatte telt his hearers that he’d workit oot a plan tae abolish unemployment for all time.

Noo, gin that’ true, he’s the lad tae be Meenister o’ Finance in the next Paurliament. But, losh, Maister Editor, A hae ma doots aboot it. Of cooi’se we get a’ kinds o’ fairy tales roared—aye, an’ whispered—intae oor lugs at election time, but when the election’s a’ ower we ken it was only “bet air.” Whan we get a’ the speeches frae a’ the candidates we’ll hae tae pit on oor thinkin’ caps and try and sift oot the oats frae the rubbish an’ it whiles taks a lot o’ thinkin’ tae dae that same. There’s ae thing A’m gey pleased tae see, an’ that’s that butter’s up. The puir cockies, masel’ tae, wull be smilin’ noo. For a lang time it was plenty o’ hard work an’ verra sma’ pay for it, but noo there’s a silver lining tae the cloud that has been hangin’ ower us A. Mind ye A’m shair nane o’ the cockies wad greet gin butter gaed up tae dooble a hunder an’ twenty-sax shullin’s, but that’s no verra likely tae happen. Weel, A’m thinkin’ ilka things are gey quate the noo, sae A’ll juist stop for the time bein’. Aiblins next week A’ll hae mair an’ better news for ye. Sae guid nicht an’ joy be wi’ ye a’. Frae AULD SANDY.