Moni patete pai rere
Kua kite ai nei koe e ka kake te tutaki o te moni patete pai rere a te ia aura ki mua? Kua tae mai te tuatua ki te Mana e ka kake tei reira a tetai o te aura mua o te mataiti 1978. Me kare koe i kite ake e rapu kia kite koe, auraka i te akarongo taringa ua. Mei te ia te tu i te akaaereanga.
Te vai nei te au tu tutakianga moni patete pai rere. Te vai nei te “economy class’’ e te vai katoa nei te “first class”. Te vai nei te “group concession” e te vai katoa nei te “epic fare.” Ko te epic e $2BO tei reira. Kia aru ia rai te au irava ture no tei reira e tau ei. No te mea me kare e aru meitaki ia tei reira ka u paa tetai kia ne. Ko te economy e $370 i te aere atu e te oki mai (i te ia tuatau nei) e ka kake atu tei reira kite $650 i te aere atu e te oki mai a te ia aura ki mua nei. Ko te group concession e $5BO i te tangata okotai no te aere atu e te
oki mai. Kare tatou e tuatua i te first class no te mea kare a tatou moni (tei runga oki tei reira i te tareanga o te tauatini tara. E aa i reira te aiteanga? Mama ua tona aiteanga. Me e moni taau a te ia au ra ki mua ka tae koe i te oki ki toou ipukarea i te Kuki Airani. Me kare a au moni ka tumatetenga koe. E aa ra oki ta tatou ravenga? Kare atu ei a tatou ravenga. Te ra ua ka tutaki te apinga o te papaa na mua ake ka rere atu ei tatou. Tetai o ona aiteanga ko ia oki me ka manako
ake koe i te oki e toou kainga tangata kite enua anauanga e aka angaanga tikai taau ka rave ei. Me ka apai mai koe i toou kainga tangata ki ko nei e kimikimi meitaki te manako, no te mea kua papu ua e kare kotou e oki vave, penei kare a te oki akaou kite ipukarea. Auraka e itirere mangamanga ua i te ia taime nei. Kare oki i papu tikai te ia au numero moni nei. Ka akapapu atu rate Mana i te reira me oti tei reira i te akapapu ia e te au ona pai rere. E noo ra oki ma te akarakara matatio.
Permanent link to this item
https://paperspast.natlib.govt.nz/newspapers/MANAK19771110.2.22.8
Bibliographic details
Mana (Auckland), Volume 1, Issue 10, 10 November 1977, Page 7
Word Count
428Moni patete pai rere Mana (Auckland), Volume 1, Issue 10, 10 November 1977, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in