Ra-Anau-Anga
Kua riro te Paraparau ra 22 no Tepetema i te ia mataiti nei (1977) ei ra mataora no Mrs Aketeaurongo Glassie o Ponsonby, tei matau ia e ko Mama Karati.
Kua riro te ia ra ei akamaara i te taeanga tona mataiti kite varu ngauru. Kua anau a Mama Karati i te ra 22 no Tepetema i te mataiti 1897 i Atiu i roto i te tuanga enua Kuki Airani. I te mataiti 1959 kua aere mai a Mama Karati ki Nu Tireni nei, i te inangaro o tana anau e kia tae mai aia ki konei.
Kua akaipoipo atu a Mama Karati kia Papa Karati o Atiu, tei takake atu kite rima
o te mate i te mataiti 1974 i Akarana nei. I te akapapaanga, e tai ngauru a raua tamariki i te katoatoa.
Mei te ono ngauru a raua are mokopuna i te katoatoa. I te akakiteanga a Mama Karati i tona ra i akamaara ia ei tona ra maata, kua akamaara aia i te tuatau i noo ana aia i te pa enua Tahiti. E itu ona mataiti, kua akamata aia i te teretere i te ia au pa enua mei ia Raiatea, Moorea, Maupiti, Huahine, Borabora e te vai atura. I te taeanga tona mataiti kite tai ngauru-ma-rima kua oki akaou aia kite ia pae motu. No te ia tua moana oki tona ui tupuna i te tereanga mai Kareka ra, i anau ia a Mama Karati ki Atiu. No reira e Mama Karati te tuku atu nei te Mana i tana epaepaanga ia koe no runga i te taeanga toou mataiti kite varu ngauru. Te irinaki nei matou e ko koe paa te metua vaine Kuki Airani roa e noo nei ki Nu Tireni. Na te Atuae akaroa mai i toou au puke ra.
Permanent link to this item
https://paperspast.natlib.govt.nz/newspapers/MANAK19771013.2.28
Bibliographic details
Mana (Auckland), Volume 1, Issue 8, 13 October 1977, Page 4
Word Count
300Ra-Anau-Anga Mana (Auckland), Volume 1, Issue 8, 13 October 1977, Page 4
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in