NO HERETAUNGA.

Huia Tangata Kotahi, Issue 20, 30 September 1893, Page 1

NO HERETAUNGA.

No te Taite 14 o nga ra o Hepetema nei i mate ai a Tiki Mahupuku, te tamaiti a Hikawera mahupuku, kua mate, I mate ki Hehitingi, he roa te wa, i pa ai tona mate i Wairarapa, haria maiana ki Waipawa, he roa noatu

aia e takoto ana i reira, katahi ka mea tia te takuta kia haria mai ki Hehitingi, E toru wiki ona ki konei ka hemo, No te Mane te 18 o nga ra ka haria atu aia ki Wairarapa, he maha nga tangata o Heretaunga nei i haere. E whitu te kau Itariana kua huina Pitihana tukua ana kite Pirimia kote take ote Pitihana, he mea kia tukusi a Bui Kemehi, ki waho ite herehere, i mau a Kemehi, mo te kohuru tanga ite tahi tangata i Poneke. engari ite whakawa tanga, kaore te Kooti i kaha kite whakatau kia tarewatia aia e ki tonu ana a Kemehi e hara i aia i kohuru, a kote whakaaro hoki enei o nga tangata e pitihana nei kia puta ki waho, heoi kote Paieruata i naianei kei te whakahaere ite tikanga mo Kemehi, mehemea me puta aia ki waho me noho tonu ranei i roto ite whare herehere. ' Kai te haere tonu te mate hou nei te Korera i lngarani, kotahi mano tangata e mats ana ite ra kotahi. Kote raruraru i puta nei ki Hamoa kei te haere tonu te patu patu tangata i reira he nui nga tangata i tahuna ki teahi ete taha o Matapera, ts Kiingi tuatahi ka tahu i nga whare, ka hopu i nga tangata ka maka atu ki roto ite ahi. I te tahi kaipuke e rere ana ite n:oana, ka wera ite ahi te wahi e takoto ana nga kaho Paura, heoi paku ana, pnkaru katoa te kaipuke, e wha tangata i mate, ko etahi i puta haere ana ma runga poti u ana ki Atirei Atareria. ' Kua puta katoa nga tangata mahi waro ate Uniana ki waho ia ratou mahi haere ana ki nga rangatira tono ni kia iiomai te utu e tika ana mo ratou, heoi kaore hoki i whakaae nga rangatira, rin ana ratou, Karangatia ana rga, hoia whawhai ana, e wha te kau tangata i mate. Kote Pire Homu Ruru o Airana i paahitia i mua tata ake nei kua whakakorea ano e te kawanatanga, heoi ka nui te riri o etahi o nga taone o Airana e hia hia nei ki taua pire. ko etahi taone kanui te rekareka heoi kua ki tuturu a Kuratitana te tangata nana tenei pire ka mahi tonu ia kia puta rano. Ko te utu o nga witi o Nui Tireni e hokoha ana i lngarani, kotahi pauna e waru hereni mete hikipene mo nga pauna witi e wha rau. I tae mai kia matou, na tetahi hoa i tuku mai, kua nui atu te Wai o Tauj o moana I roto i enei ra kua ngaro e tahi kainga i te wai, E tae ana kite rima Tini te nukunga mai o te wai i tona ahua tawhito o mua kua pakaru te huarahi, ki Tokanu katahi ano ka kitea tera ahua o te wai kaore i muaiho, konga wahi mahinga kai kua ngaro Kua tae mai te Reta a Kahukaka Nuiamanaia, o Waitotara, mete Pauna i roto mote pepa kia ia i te tau. Kua tae mai te Reta a te hoa i Waimarama he whakatu mai i te Marenatanga o Te Iwi Erueti raua ko, Kara Ihaia, No Ngatiwhaiti te taane, no Rakaipaka te wahine he nui te hari o nga tangata i taua marena, I tae pea kite Toru ran tangata i tau.i marena, he nui te kai, kaore he kai i ngaroatu. I te 12 o Hepetema nei ka Marenatia a te Moananui Hone, kia Materita Ruri, i Marenatia ki Matahiwi, I hui katoa nga tangata o Heretaunga nei ki taua Marenatanga, Nate Wiremu Hamiora i

Marena i tae ano te Heretaunga Peene ki taua Marenatanga, I te rautunga o te Marena, he mea arahi atu e te Pene raua ki to raua whare, I tu a Hone AVharemako, te Matua o te Tane kite w'hnikorero kinga tangnta i hui nuii he nni te pai o ana kupu, a he tokomaha hoki nga Rangatira i tn. kite korero mo te ahua o nga tangata menga Uangatira kua ngaroatu. No te 17 o nga ra i te Ratapu ka wera te tahi whare i Korangata ko taua whare No Hirini Kamau, he nui nga taonga i wera kore rawa tetahi i puta ki Wi^ho.