TE WHAKATUWHEFATANGA 0 TE PAREMATA MAORI.
Ko te takiwa tua-tahi tenei i noho ai tenei Bunanga, ara, te hui a nga Mema, Mema Maori i whakaturia e 1a hapu, e ia hapu hei whakatakoto Ture mo nga Iwi Maori o Nui Tireni. Eo te mahi i karangatia ai, hei huihuinga mo aua Mema Whiriwhiri, ko Te Waipatu kua oti hoki te hanga tetahi whare hou mo ratou ki reira. No te Mane te 13 o nga ra o Hune 1892, ka whaitimai nga Mema o tena takiwa o tena takiwa o nga Motu e rua, pau katoa taua ra i te powhiri a te tangata whenua. Ko Ngapuhi me Ngatiporou i haere ma Moteo kite tangihanga mo Faora Kaiwhata, ka mutu ta ratou tangi i reira, ka noho ratou ki Omahu i runga i te karanga a Wi Porotene. No te ata o te Turei, ka whakatika mai ki Te Waipatu kite whakatuweratanga i te Paremata. Eua tae noa mai a Taito raua ko Wi Parata me etahi atu Mema mo te Paremata. Ko etahi mahi whakamiharo ko te peene Mao.i me o ratou kahu hoia. Tino pai rawa atu ta ratou whakafangitangi, ora ana te ngakau i te whakarongotanga. Ka tae mai a Ngapuhi a Ngatiporou me etahi o nga hapu o te Tai-rawhiti apiti atu ki nga Honore Mema, kia Meiha liopata raua ko Timi Kara, me Hirini Te Kani, me te Iwi. Ka whakatika nga peene e rua ki te powhiri, ko nga wahine me nga taane ki te haka, he ma katoa nga kahu o nga wahine, ko nga tangata haka he mea whiriwhiri, rekareka ana te taringa kite whakarongo, rekareka ana nga kanohi kite matakitaki i nga kahu hoia o te peene, me nga kahu o nga wahine. Ko nga tangata i kite i tenei powhiri, e kore rawa e wareware ki taua whakaminenga. Kei te haere tonu te haka, a tae noa nga manuhiri kite whatitoka o te Whare Bunanga, ka , mutu te wbakatangi a nga peene, ka tu te
huihuinga kite tangi. I mua ote whare e iri iho ana nga whakaahua o nga tino rangatira kuajmate ake, ara, oTe Hapuku, o Tareha Te Moananui, o Te Harawir: Te Tatere, me Te Meihana Takihi, e matakitaki ana kia Ngapuhi, mehemea nei e ora ana ano. Ko tenei Iwi ko Ngapuhi katahi nei ano ka tae mai kite takiwa o Heretaunga i roto ote taenga mai ote whakapono, mete mana o Te Kuini. Ite taenga mai o o ratou matua i mua he pu i roto i o ratou ringa e whawhai haere ana, e patu i nga tangata o tenei takiwa. Inaianei ko a ratou tamariki e haere mai ana i runga i te rangimarie mete hohou rongo, mete whakakotahi i nga Ture. Ka puta mai enei whakaaro kite hunga etu ana ite marae ka koropiko katoa kite tangi.
Permanent link to this item
https://paperspast.natlib.govt.nz/newspapers/AONUPEP18920625.2.6
Bibliographic details
Aotearoa : he Nupepa ma nga Tangata Maori, Volume 1, Issue 2, 25 June 1892, Page 10
Word Count
476TE WHAKATUWHEFATANGA 0 TE PAREMATA MAORI. Aotearoa : he Nupepa ma nga Tangata Maori, Volume 1, Issue 2, 25 June 1892, Page 10
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in