6 Maehe 1853 Haere ra, e taku reta, ki a Te Makarini. E hoa, Tena koe. Tenei ano taku korero ki a koe. Kei a korua ko te Kawana te whakaaro ki tetehi mira maku. Ki te kore e rite i a korua taku korero, tuhituhia mai ki te pukapuka kia rongo atu au. Heoi ano tenei korero aku, ka mutu. E hoa, e Te Makarini, e tama, e mahara tonu ana au ki ta taua korero tawhito mo Waikonehu. Kaore hoki i te mahue i au. Kei a korua ko te Kawana te whakaaro mo tenei korero aku ki a korua. Heoi ano. Na to korua hoa aroha, na Parata Wiremu 6 March 1853 Go off, my letter, to McLean. Friend, Greetings. This is my message to you. Would you and the Governor consider a mill for me? If you cannot fulfil my request, then write me a letter so I will know. That's all, the end of what I have to say to you. Friend, McLean, young man, I'm still thinking about our talk long ago about Waikonehu; I haven't given up on it. But it's up to you and the Governor about this suggestion of mine to you both. That's all. From your good friend, from Parata Wiremu