Taranaki 26 Tiheme 1844 E hoa, e Te Paratene, Tena koe e noho ana koe ki to taua kainga ki Waiau. Tenei au te aroha tonu atu ki a korua ko Hauauru, ko Iriah[?], ko Te Taniuka[?], ko etahi atu rangatira o koutou. Otira kei wareware pea koutou ki au, ta te mea kua riro ke mai au ki tenei whenua. Mehemea hiahia ana koe ki te haere mai kia kite koe i nga tangata o tenei whenua, kia tangi atu au ki toku hoa aroha ki a Taihaka[?]. E tama, he rararu, e kore ai au e tae atu ki a koe, ki korero kia maminga noa iho taua, kia taupatupatu koe ki au, kia whakaputa atu ahau ki a koe. Ko tenei, e kore pea ahau e tae wawe[?] ki a koe. Me noho pai koe, me atawhai ki ou Pakeha, me aroha koe ki a ratou katoa. Ko koe hoki te rangatira e pangia[paingia e?] nga Pakeha katoa o Hauraki. Kia mau tonu to tuhi mai i te pukapuka ki ahau. [Text of a waiata follows] 'Kahore te aroha mahukihuki noa./Te Paenga mai ki ahau,/Me he ahi e toro ki Hukanui/E pukatea[?] tenei tata mai,/Hei tohu mai ko te ao, ko te moe/Kei te matatu tonu i te roa a te po/Kei toropuku ai te aroha i au./A[?] kore ra e puakina /Ki rongona e te tini/Te putanga ki waho ora/Me tohu aku mata nga parae/Ka takoto ki tauwhare ra au/Ko te ara tonu ia a e/Whanatu ai au/Kia uru tomokia te whare o Paratene, kei riri/E hara hei nui para haere mau/Ano te tinana maku te ata o te tapara kau te tu ai.' Heoi, na to hoa aroha, na Makarini