He Poroporoaki ki a Merimeri Penfold
Nā Shane Jones
Poringiringi ake ana Wharau noa te kuaka Te kitea te pehinga Heoi taria te pihinga Kapi a Parengarenga
Te kuititanga o te motu Ngaua nei e te Ra Maringi a hua roimata Te utu kei taku kamo Mou e tae ki Te Reinga
Moca te po e te whaea Ara ana te whetu o te ata Tiareare te rite o te korero Ko Merimeri whakao kupu Aotea-roa, aotea-mahora
Nau te motu i taiawhio Te purapura marama Pareko noa te whakato Mai te Hiku kite Pane Ka weri, ka tupu, ka ora
Te hinengaro torena He arero oti i a kakaho Te kura minaminatia He pukenga aroha He matenga tangata
No te ra tuatahi o Paengawhawha ka mate a Merimeri Penfold, te amokura o Muriwhenua, mai i te whare tatai o Ngati Kuri. I whanau mai ia ki Te Hapua, ka mate ki Kaitaia, ona tau 93. He mea unga a ia e ona matua ki Tamakimakaurau, whakaakona ai. Timata mai i Wikitoria tutuki noa ka puta hei mahita kura, a, akoako ai puta noa Te Ika-a-Maui.
I riro i a ia te tohu matauranga ko te BA. Eke atu te torn tekau tau ona hei kaiako kite Whare Wananga ki Tamaki. Ka hia noa nga tuhituhinga reo Maori i oti i a ia hei whai ma nga tauira. He nui ona turanga a-hapori, a-kawanatanga, a-wananga, a-iwi, i te mutunga iho i pumau ai ki tana iwi Maori.
Ka whakawhiwhia ki a ia nga tohu mai i te Whare Wananga ki Tamaki, mai i te Karauna, mai i tana iwi Maori mai i te Waka Toi ano. He wahine i tana itinga
i whakatupuria ai ki tu whenua mahue, a, whakauru ki te rangapu ihumanea. E ao te wahine hei mihinga, hei whakarangaranga mahau, maku, ma tatou katoa. Kati e Merimeri, ka takina tonutia koe e koko-uta, e koko-moana ki nga kupu turuturu i runga i a Unuwhao, i a Kohuroanaki, i a Maungapiko, nga puke iringa korero a Ngati Kuri. “To tinana Maori kite kopu ote whenua. Whakarerea aTu-nuku, a Tu-papa, Tu-kerekere, kerekere te patu, kerekere te tangata, kerekere nga mea katoa. E ahu to wairua kite tahuhu ote rangi, a Rangi nui, a Rangi roa, a Rangi whetu tuatea, kite huinga ote kahurangi.” E moe e kui, moe oti atu ee.
Permanent link to this item
https://paperspast.natlib.govt.nz/periodicals/MUKA20140401.2.6
Bibliographic details
Muka, Volume 27, Issue 2, 1 April 2014, Page 3
Word Count
391He Poroporoaki ki a Merimeri Penfold Muka, Volume 27, Issue 2, 1 April 2014, Page 3
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.