Apanui e!
E klia ana, he raumati nga rangi katoa i Te Whanau-a-Apanui, otira, i rangona tera ahuatanga i te whakaekenga o nga Kaiwhiri oTe Taura Whiri i te Reo Maori ki runga i te marae o Otuwhare ki Omaio. E takoto ana te moana, kaore hoki he kapua kotahi i te rangi. And nei kua raumati ke.
I rangona ano te mahana i te rere o nga korero i whakatakotohia ki mua o te whare, o Te Poho o Rutaia, e nga pakeke i tautoko i te hui. Ehara i te mea ko Te Whanau-a-Apanui anake te iwi i tae atu, i reira ano etahi no Te Whakatohea, no Ngai Tai, no Ngati Ira (ki Waioeka) me nga tamariki mai i Te Kura Mana Maori o Whangaparaoa me Te Kura Kaupapa Maori o Waioeka. Kaumatua mai, kuia mai, rangatahi mai - ano te ahuareka o te nohotahi a te iwi - ko te reo Maori te take.
Koianei te tuatahi o enei momo toronga a te Poari o Te Taura Whiri i te Reo Maori. Ahakoa ko te hui a-marama o te Poari te kaupapa, he wa ano hoki tenei e taea ai e Te Taura Whiri te rongo ki nga take epa ana kite reo i roto i nga rohe. E ai ki a Awanuiarangi Black, Kaiwhiri i te Reo, “E tika ana kia tae mai matou ki mua tonu i te iwi. Kei pohehe ratou he taniwha ke Te Taura Whiri i te Reo Maori, a, kei Poneke tana rua.”
Otira, no te ahiahi tuatahi i whai wahi mai tena me tena ki te whakatakoto i ona whakaaro, i a ratou take ano hoki ki mua kite aroaro o nga Kaiwhiri. E wha nga take matua i whakatakotohia; ko te mita ote reo mete ngaronga o nga kupu o mua, ko te tokoiti o te hunga korero Maori e noho ana i te kainga, ko nga momo kaupapa e whakaturia ana hei whakarauora mai ite reo kite rohe, mete wahi nui ki te whangai i nga rangatahi me nga mokopuna i roto i nga kura kaupapa Maori me nga kohanga reo.
Katoa enei take, ka rangona nuitia huri noa i te motu, heoi ano, ki ta Glenis Philip-Barbara Tumuaki o Te Taura Whiri ite Reo Maori, “He pai kite rongo i nga momo kaupapa reo e haere ana i te rohe nei. Otira, kua oti i a Te Whanau-a-Apanui te whakatauira mai, e kore te reo e ora i te kaupapa kotahi anake. E kimi ana ratou i to ratou reo i roto i a ratou ano. He hua nui i roto i tera ahuatanga.” E klia ana ko Te Whanau-a-Apanui he iwi manaaki, ka maringi noa ana kai, ka makere ano ana taonga, ka ngahoro noa ana korero. Kei te mihi Te Taura Whiri i te Reo Maori kite iwi kainga ote marae o Otuwhare me nga iwi i tae atu kite manaaki iTe Taura Whiri ite Reo Maori. Tena koutou katoa.
Permanent link to this item
https://paperspast.natlib.govt.nz/periodicals/MUKA20130901.2.2
Bibliographic details
Muka, Volume 26, Issue 3, 1 September 2013, Page 1
Word Count
494Apanui e! Muka, Volume 26, Issue 3, 1 September 2013, Page 1
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.