Te Pane Kuīni o Matariki - Kei te Kōmata o te Rangi!
He manu tukutuku te rangi ka uhia , he huruhuru te manu ka tau.
E whakanuia ana te whakaangi manu tukutuku a te Maori i te wa o Matariki e Te Tari Poutapeta o Aotearoa, i ana pane kuini mo Matariki 2010.
E whakaatu ana tenei putanga pane kuini i etahi momo manu tukutuku Maori e wha: ko te Manu Taratahi, ko te Manu Patiki, ko te Upoko Tangata mete Manu Aute.
E ai ki ta James Te Puni o Te Tari Poutapeta o Aotearoa, “He hononga motuhake to te manu tukutuku ki a Matariki. I nga wa o mua he nui nga mahi a te manu tukutuku, ko tetahi ko te tuhonohono i te whenua me nga rangi.”
Na Len Hetet nga mahi i hoahoa. Nana hold nga pane kuini o te tau 2008, mete tau 2009 i waihanga. Na tona tuahine a Veranoa Hetet te Manu Patiki mete Upoko Tangata i raranga. I tonoa aia hei kairaranga mo nga manu nei i te mea me uaua ka kitea enei momo manu tukutuku i naianei. E 7 - 11 noa iho pea nga tauira manu tukutuku kua mahue mai no te rautau 1700. Otira, he tino taonga te manu tukutuku hei whakanui, hei whakatairanga ma tatou. Na whai ano i tohua ai tenei putanga hei kohinga matua ma Te Tari Poutapeta o Aotearoa, ara, torutoru noa iho nga kape kua tangia hei tuku kite marea.
I whakarewahia nga pane kuini nei ite 8 o Pipiri kite toa REAL Aotearoa, ki Te Whanganui-a-Tara. Ka taea te hoko nga pane kuini nei ki nga toa REAL Aotearoa ki Tamakimakaurau, Te Whanganui-a-Tara, me Otautahi me nga Toa Poutapeta o Aotearoa. Kei te pae ipurangi nei nga korero mo te putanga pane kuini nei: www.nzpost.co.nz/stamps.
Permanent link to this item
https://paperspast.natlib.govt.nz/periodicals/MUKA20100601.2.18
Bibliographic details
Muka, Volume 23, Issue 2, 1 June 2010, Page 10
Word Count
301Te Pane Kuīni o Matariki – Kei te Kōmata o te Rangi! Muka, Volume 23, Issue 2, 1 June 2010, Page 10
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in