He mihi mō Te Wiki o te Reo Māori

Muka, Volume 21, Issue 2, 1 June 2008, Page 2

He mihi mō Te Wiki o te Reo Mā ori

nā Parekura Horomia, te Minita mō ngā Take Māori

Hei nga rangi katoa o Te Wiki o te Reo Maori ka whakaihia tatou katoa kite whakanui i tetahi o a tatou tino taonga tuku iho - ko te reo Maori tera. Me hopu e tatou tenei wa motuhake kite whakatairanga i te mea whakahirahira, te whakamau i te oranga mete tikorikoritanga o te wairua o to tatou reo ki roto i nga hapori.

Neke atu i te 30 tau tatou e whakanui ana i Te Wiki o te Reo Maori, a, i tenei tau ka whakahaerehia anotia i nga ra 21 kite 27 o Hongongoi. Ko te kaupapa, ko 'Te Reo i te Kainga.'

Tenei ahau e whakamanawa ana i te katoa kite whakamahi i te reo Maori ki roto i a tatou mahi i te kainga, ia ra, ia ra. Ma te ki 'Morena;' ma te korero Maori anake; ma te matakitaki i a Whakaata Maori; ma te purei kari ranei i roto i te reo Maori;

ahakoa te aha, he whai tikanga katoa enei.

He wahanga nui tonu to te reo Maori no to tatou tuakiri a-motu, a, kua whai wahi kite patai, ko wai tatou, me pewhea tatou e noho ora nei, ia ra, ia ra, hei tangata no Aotearoa.

He kaitautoko whakahihi ahau i Te Wiki o te Reo Maori me nga mahi katoa kua mahia e te kawanatanga hei tautoko ake, hei whakapakari ano hoki i te reo Maori. Ma te whakamanawa i te whakamahinga i te reo Maori ki roto i nga kainga, ki roto i nga akomanga, ki waho hoki, ka pumau te oranga tonu o tenei taonga a-motu, hei painga mo nga reanga kei mua. Na reira, i te wa o Te Wiki o te Reo Maori, mahia au mahi hei whakaora i te reo Maori. Whaia ko te reo.