He pukapuka taketake hou

Muka, Volume 21, Issue 2, 1 June 2008, Page 11

He pukapuka taketake hou

He mea kohikohi enei korero na Te Taura Whiri i te Reo Maori

Ko te ingoa o te pukapuka hou a Rapata Wiri ko 'Te Reo Taketake - Ko te Pu.' I timatahia te tuhi o tenei pukapuka i te tau 2002 i a Rapata e whakaako ana i te reo Maori i Te Whare Wananga o Hawai'i i Manoa. No te marama o Maehe kua taha nei, i whakarewahia ai te pukapuka nei i Te Whare Wananga o Waikato. Na Raupo i ta, i perehi. Na Haki Tuaupiki o Ngati Mahuta te karakia waerea hei whakamaunu i te pukapuka, a, na Te Kahautu Maxwell raua ko Tame Roa nga mihi whakatau i te ope i tae mai. I tae ano mai nga kaiako reo Maori o te rohe o Tainui, nga akonga me nga kaiako reo Maori o Waikato me etahi atu o Te Whare Wananga o Tamaki Makaurau me nga rohe o Waiariki me Mataatua.

Ko te take i tuhia ai tenei pukapuka, he whakarahi ake i nga rauemi hei ako mai i to tatau reo tuauriuri, whaioio kite hunga e ahua tauhou ana kite reo. Atu i a Timoti Karetu raua ko Hoani Waititi, tokoiti noa nei nga kaituhi Maori kua whakaputa pukapuka whakaako reo Maori i nga tau toru tekau kua hipa atu nei. Kua riro ma te Pakeha hei whakaako i a tatau tamariki kite korero Maori. Koinei te tuatahi o tetahi kahui pukapuka takiwha ka tuhia e Wiri i roto i nga tau e rua e whai ake nei hei whakatairanga, hei ako mai i te hunga e kaingakau ana kite reo. Hei tapiri atu kite pukapuka nei ko tetahi hotaka ipurangi whakaako a-waha, a-kanohi, a-taringa hoki, i nga kaupapa o roto o te pukapuka nei. He rawe hoki te hotaka ipurangi hei rauemi whakangahau ma nga akonga i roto i nga kura me nga whare wananga hoki. E taea ai te kaikanohi atu ki tenei hotaka, tirohia mai te paetukutuku ipurangi nei: http://www.maori.ac.nz