Pūrongo Hui Kaiwhakamāori
14 o Mahuru 2007
Itu te hui a nga Kaiwhakamaori o te motu kite Kuratini Marae, Massey University, i Te Whanganui a Tara i te ra 14 o Mahuru. He kaupapa tenei e tu ana i ia rua tau, a, he whainga tenei i raro i te Kaupapa Whaiti 2"Hui a-motu, kia tu tetahi hui a-motu hei arahi, hei tohutohu, hei tautoko a-ngaio, ma nga kaiwhakamaori a-waha, a-tuhi hoki kua whai tiwhikete." I tenei tau, i mahi matou i te taha o te Kahui o nga Kaiwhakamaori o te Motu (NZSTI) kite whakarite i tenei hui. E rua nga tino whainga o enei momo hui. Tuatahi, ko te whakakao i te hunga kaiwhakamaori kia mohio ratou ki a ratou, kia puta he paku wa whakakotahi ai ratou kite whakaputa whakaaro e pa ana ki nga ahuatanga o te ao o te kaiwhakamaori, tae atu ki nga piki me nga heke o te ao whakamaori o naianei. Tuarua, kite hoatu wa whakangungu e marama ai ratou ki nga kaupapa hou kua ara ake, e mohio ai ratou kite kawe i nga momo mahi i roto i tena rangai, i roto i tena rangai. I tenei tau, i whakaaro matou o te komiti whakahaere kia kotahi noa iho te ra o te hui, a, kia whai matou
i nga kaikorero kaha kite whakaatu i nga ahuatanga o a ratou ake mahi, ara, nga mea uaua, nga taumata kounga e whaia ana e ratou. Na tenei, i ahua hangai nga mahi o te ra whakangungu ki nga mahi a nga kaikorero. Kei runga tonu i tena, i tena o nga kaiwhakamaori te utu mo te haere mai ki tenei hui. Na runga i te paku o nga moni i riro mai ma matou ki te whakahaere i tenei hui, kare i nui rawa ta matou whakawhanui i nga ahuatanga. I tino pai te haere o te hui ahakoa kaore i tino nui nga tangata i puta ake. Ahua rima tekau nga tangata i puta ake kite hui i tetahi wa o te ra heoi, e 20 noa iho i rehita mo te ra, a, kite tapiri i te kahui whakahaere e 25 nga tangata whai tohu whakamaori i te hui mo te ra katoa. Whai i te powhiri, i timata te hui me nga kauhau a nga kaikorero matua o te hui, ko Henry Liu o te NZSTI raua ko Lee Smith o to tatou tari. Ka pai ta raua whakatakoto i te ara korero ma te whakanui i nga mahi a te kaiwhakamaori ma te ata wawahi haere i nga mahi a te kaiwhakamaori. Tuarua, i hangai a raua korero ki
tenei mea te kounga o nga mahi whakamaori. Ka pai a raua whakamarama, a raua tohutohu, me a raua whakatupato. Whai atu i a raua ko etahi whakatakotoranga korero e pa ana ki nga mahi whakamaori i roto i te Taraipiunara me nga Koti a-Rohe, nga mahi whakamaori pukapuka tamariki, nga hangarau hou pera kite pumahara mo nga mahi whakamaori, nga mahi whakamaori moteatea me nga mahi whakamaori mo te pouaka whakaata. Ka tino whakamihi matou ki nga kaikorero o te ra mo ta ratou ngaio mo te kauhau, mete aha, i nui nga akoranga i puta kite hunga kaiwhakamaori. I tutuki te whainga kia piki te maramatanga a nga kaiwhakamaori i puta ake, nui tonu nga mohiotanga i taea e ratou te hopu ki roto i a ratou kete matauranga. Ko te mea nui rawa atu kua pakari ake nga kaiwhakamaori i tae ki tenei hui.
Permanent link to this item
https://paperspast.natlib.govt.nz/periodicals/MUKA20070901.2.13
Bibliographic details
Muka, Volume 20, Issue 1, 1 September 2007, Page 7
Word Count
589Pūrongo Hui Kaiwhakamāori Muka, Volume 20, Issue 1, 1 September 2007, Page 7
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.