Kupuhuna 2
Nā Quintin Hita, nō Ngā Puhi
Kua ara ake he Kupuhuna tuarua. Na te Taura Whiri i te Reo Maori i homai te putea e whakawhiwhia ana ki nga kaitakaro, na kona i huaina peneingia ai - ‘Te Taura Whiri i te Reo Maori Kupuhuna.’ Koia ko tenei tuhinga. He
wahi whakamarama ake i nga whakarereketanga o tenei mahinga o Kupuhuna i te Kupuhuna tuatahi raka i kite ai tatou i runga i a Whakaata Maori i tera tau. Ka pai. E mea nei... Ko taua kaupapa ra ano, he rapu i te kupu e huna ana. Ko te kaitakaro tuatahi ka kake tana putea kite toru rau taara - ko ia te toa. I tera tau, me wehewehe nga takaro, he taumata ano, he taumata and. I te timatanga, wha tekau ma warn nga kaitakaro i te taumata o raro rawa. Ka whakataetae wera, e rua kaitakaro i ia takarohanga. Ko nga toa, ka kake he taumata ano a, pera haere tonu, toe noa tokorua kaitakaro i te taumata o runga rawa. Ka whakataetae raua, ka puta ko te tino toa.
Ko tetahi o nga mate o tera whakatakotoranga, kia mutu katoa ra ano nga takaro o tetahi taumata, tahi ano ka karawhiua nga takaro o tetahi taumata ake - ina toa he tangata, e roa ke ka takaro and ia. Kitea rawa ake, kua wareware ke te hunga matakitaki ki a ia.
Tetahi, kotahi takarohanga ma ia kaitakaro i tena taumata, i tena taumata. Ahakoa ina tae ia kite taumata o runga rawa, horekau ke e tino tini ana wena takarohanga. Ko te nui o te moni ka riro i a ia, kei te tini ano o wana
takarohanga. Pehea atu te pai kia penei ke... Ina toa te kaitakaro i tetahi takarohanga, ka hou tika tonu atu ia, he takaro ano, pera tonu a, hinga noa. Ka hinga nei, hore he hokinga mai. Kahore he wehewehenga taumata. Kotahi ano taumata, ko to turn kei runga koe e noho ana. Tiakina to turn! Ko te tini atu o nga takarohanga ka toa koe, te nui atu tena o te moni ka riro i a koe. Ki te toa koe i te rima tekau takarohanga, pera ano mete nui ote moni ka hou ki to peke. Koia tenei ko te ahua takaro hou o Kupuhuna 2. Hei tapiri mai, i tera tau, kotahi takarohanga i ia whakaaturanga o Kupuhuna. Kei tenei tau ia, kite tutuki e rua takarohanga i te whakaaturanga kotahi, koia tena. Ki te kore e tutuki te takarohanga kotahi i te whakaaturanga kotahi, ka mutu takiwa, ka tarewa - koia tena. Taria te roanga atu o tera takarohanga... Hei tapiri whakamutunga mai, kua hanga neke atu te pakeke o nga kupu e rapua ana. He aha e kiia ai he wero hinengaro pena horekau te hinengaro e werohia ana?
Kati, tena pea a tona wa, ka wehea te kaupapa, he Kupuhuna a-kupu mama mo te hunga ako hou nei, he Kupuhuna a-kupu pakeke hei whakamatautau i a koutou.
Permanent link to this item
https://paperspast.natlib.govt.nz/periodicals/MUKA20060701.2.4
Bibliographic details
Muka, Volume 18, Issue 4, 1 July 2006, Page 2
Word Count
500Kupuhuna 2 Muka, Volume 18, Issue 4, 1 July 2006, Page 2
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.