Te Kapu Whutupōro Porohita o te Ao

Muka, Volume 18, Issue 4, 1 July 2006, Page 7

Te Kapu Whutupōro Porohita o te Ao

Nā Paratene Ngata, nō Ngāti Porou

Katahi te takaro ataahua! Koinei te whakatauki mo tenei takaro tino whakanui o te ao whanui, ko te whutuporo porohita katahi ano ka mutu mai i Tiamana. E torn tekau ma rua nga ropu takaro i whai atu kite taumata tino toa, kia riro i a ratou te karauna o te ao whanui mo nga tau e wha kei mua i a ngai tatou. E ono tekau ma wha nga kemu i whakataetaehia e ratou a, hei pouaka whakakite i te ihi, te mana mete wehi. Ataahua te kite atu. E ki ana nga karere rongomau o te ao, e torn piriona nga tangata i matakitaki i nga takaro porohita mai nga kokona katoa huri noa. Ka mau ngakau ratou kite tere raka koi o nga Ariana, te whakahautanga mete wawao o nga Uropiana, te pukenga mete matawhawhati o nga Awhirikana, te manawanui o Ingarangi mete manako tino koa o ratou no te Tonga o Amerika orite kite waiata e kiia nei, ko te Samba. Ka mau te wehi. Ko enei nga rereketanga o te tino

takaro nei. Me kl ano, te ataahua hei tirohanga, hei ata maharahara, hei koinga ngakau mo te tokomaha o te ao. I ahu mai nga pukenga pumanawa

mo te takaro parekareka nei 1 nga marae kainga, nga papatipu, nga papatakaro, nga tiriti o nga whenua ke atu i takatakahia ai nga tamariki mokopuna me tona porohita. I whakatipu mai ratou i raro i nga tikanga whakarato porohita kia whai atu 6 ratou wawata, moemoea ranei kia orite ki 6 ratou tuatangata, ki a Ronaldo,ki a Beckham, ki a Torres, ki a Henry, ki a Ronaldhino mete tokomaha o nga tohunga o te takaro nei. Ataahua te rongo atu. I puta mai te pukaha, nga waiata me nga haki tohu o ia whenua, te tino harikoa me te kapua papouri ranei mo te hunga tautoko e matakitaki ana tae atu ki te hunga kaiako, kaiwhakarite me nga kaiwhakahaere. Taria ana nga iwi katoa kia toa ai to ratou ake ropu takaro. And te ataahua no te mea ahakoa ko

wai, no whea , ahakoa ko tehea ona tikanga, ona kawa, ona whakapono, mehemea he wahine, he tane ranei, ka whakakotahitia te kaupapa i runga i te whakaaro piritahi, te tino hari koa mai i nga tikanga papai, takarohanga pono mete whakarangatiratanga hoki. He taonga koinga ngakau enei. Ko Brazil te tino ropu takaro ko Ingarangi te tuarua a, ko Tiamana te tuatoru. Heoi ano, ko te ropu takaro e whakatinana nei i nga tikanga takatu, no ratou te pukaha, te pukenga kia mau i nga angitu, otira ka whakarite ite huaki mete wawao, ka kokirihia whakaroputia te ihi, te wana mete wehi, no ratou te taonga e kiia nei, ko te kapu whutuporo porohita o te ao whanui. Na reira, mauri ora. Ki a Itaria - te kapa toa o te ao 2006, ano te takaro ataahua, ano te takaro ataahua.