Te Ara - Te Mā tā punenga o Aotearoa
nā Basil Keane, nō Ngāti Kahungunu, Rangitāne me Ngā Puhi
Ite 8 o Hui Tanguru 2005 ka tu te powhiri ki Rongomaraeroa, te marae o Te Papa Tongarewa ki Te Whanganui a Tara. Ko te kaupapa i horahia, ko Te Ara - Te Matapunenga o Aotearoa. Ko te Matapunenga nei kei te noho i runga i te Ipurangi; ko te paetukutuku: www.TeAra.com. Koinei te ara ki
nga korero a nga iwi o Aotearoa. E ai ki a Tuhuatahi Tui Adams, “I whai wahi katoa tatou o te motu katoa i roto i tenei kaupapa.” Mutu ana te powhiri, ka hui kite whare tapere oTe Papa. Na te Pirimia, na Helen Clark, te Ara i whakamanu. Katahi ka whakatuwhera a Tumu Te Heuheu, te Ariki o Tuwharetoa i te wahanga Maori o Te Ara. Mutu ana tena, na Jock Phillips, te Etita o Te Ara, i whakatere Te Ara. Ka timata te korero mo Te Ara i te Tai Rawhiti, i te urunga korero mo Ngati Porou, ara he mea tuhi e Tamati Reedy. Ka tuhono atu a Jock kite Kura Kaupapa Maori o Te Waiu o Ngati Porou ma te tuhonotanga ° ataata.
Ka tuhono ano hoki ki etahi atu kura o Aotearoa. I te tuhonotanga ki te kura o Southland Boys, haruru ana te whenua i te haka a nga taitama ra. Ko te kaupapa tuatahi i roto i Te Ara, ko nga tangata o Aotearoa. E rua nga wahanga o tenei kaupapa. Ko nga iwi Maori o Aotearoa, ka tahi. Ka rua, ko te taha ki era atu iwi o te ao kua tatu mai ki Aotearoa. Mo te taha ki a ngai taua, e 34 nga urunga korero mo nga iwi nunui o Aotearoa. Kua whakamaoritia hoki nga korero a-iwi. Ko etahi atu kaupapa e pa ana kite iwi Maori kei runga iTe Ara, ko Hawaiki, ko nga iwi tuatahi o Aotearoa, ko te putaketanga o te Maori, ko te whakatere waka mete maha noa atu o nga kaupapa. Ko Ranginui Walker te Tiamana o Te Ara Wananga (te komiti Maori e tirotiro ana i nga whakahaere o te taha Maori o Te Ara). E ai ki a ia, ko te painga o te whakamahi i runga i te Ipurangi. ‘Ka taea e a tatou tamariki, ahakoa kei hea e
noho ana, te tiki atu nga korero e pa ana ki a ratou’. Ko ta Tamati Reedy i te whakatuwheratanga, ‘...koina te wahanga e rekareka nei taku ngakau;
te maha o nga korero o te ao Maori kei reira e takoto ana.’ Na reira, pawhiritia mai te paetukutuku mo tenei matapunenga, www.TeAra.com
Permanent link to this item
https://paperspast.natlib.govt.nz/periodicals/MUKA20050401.2.13
Bibliographic details
Muka, Volume 17, Issue 2, 1 April 2005, Page 9
Word Count
441Te Ara – Te Mātāpunenga o Aotearoa Muka, Volume 17, Issue 2, 1 April 2005, Page 9
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in