Te Wiki o Te Reo Māori
No te tau 1972 i whakatakotoria te manuka kia whai mana te reo Maori i Aotearoa nei. A, ko te mana o to tatou reo rangatira i roto i nga kura tuarua huri noa i te motu tetahi o nga tino take.
Koina tetahi o nga hua o nga
mahi a Te Ropu Reo Maori o Aotearoa (Mana Topu) i Te Whanganui-a-Tara i nga tau whitu tekau. Ki te kore i tutu i a ratou te puehu, ka kore to tatou reo e whai mana i roto i te ture. Ko Cathy Dewes (Te Arawa, Ngati Porou) tetahi o nga mema o taua ropu. “E rua nga whainga o taua ropu. Te tuatahi, kia whai wahi nga akonga o te Whare Wananga o Wikitoria kite korero Maori. I te ako matou i te reo i roto i nga karaihe engari karekau he wahi kia korerotia te reo, kia rangona te reo. Na reira i whakatu matou i tenei ropu mete haere atu ia wiki, ia wiki kite whare tenehi ote whare wananga, ki reira parakatihi ai te reo. “Ko te whainga tuarua ko te pakanga mo te reo. He pakanga torangapu. Ko te pakanga tuatahi kia whai mana te reo ki roto i te whare wananga a, kia noho wehe, kia noho motuhake te reo i tera o nga kaupapa ako ko te Matauranga Tikanga Tangata, kia noho mana motuhake ano hoki te reo Maori me tona ake Ahorangi. Ka wikitoria ki tera o nga take, katahi ka riro i a Hirini Moko Mead te turanga o te Ahorangi.” ki ta Cathy. I te tekau ma wha o Mahuru i te tau 1972 i haria te petihana na Hana Te Hemara i kokiri kite Whare Paremata. Ko te mahi a Te Ropu Reo Maori o Aotearoa, ko te haereere haere i te taha o Hana me Nga
Tamatoa kite kohikohi waitohu ote hunga tautoko i te petihana e taea ai te reo Maori hei marau ako ki roto i nga kura katoa o te motu. I taua wa i whakaakona te reo Maori ki roto i nga kura tekau ma torn anake pea. E toru tekau mano nga hainatanga i kohia. E ai ki a Cathy "I taua wa tonu i pakanga ano hoki kia whai wahi ai te reo Maori ki runga i te pouaka whakaata. Ka haria anotia he petihana kite whare paremata. I mahi ngatahi matou ki tetahi tangata no te pouaka whakaata o te BBC ki Ingarangi. Ipirangi matou ki te rima meneti noa iho hei panui reo Maori i te ono karaka ia po, ia po, kia rangona te reo Maori i nga kainga katoa o te motu. I ki mai tenei tohunga 'kaore ano a Aotearoa kia reri mo tera. Kaore e kore ka tino kaha te whakahe a tauiwi. Na reira whakarerea atu te hunga kuware, te hunga ngakau iti ki tenei kaupapa. Ka akiaki matou kite whakatu wahanga reo Maori ia Ratapu, ia Ratapu mo te 20 meneti. Mai i tera ka whanau mai te hotaka a 'Koha', e whakarata mai ai nga iwi katoa o Aotearoa ki nga kaupapa Maori." te ki a Cathy." Te Wiki o te Reo Maori 26 Hongongoi - 1 Here-turi-koka 2004 Te Ra o te Reo Maori 14 Mahuru 2004
Permanent link to this item
https://paperspast.natlib.govt.nz/periodicals/MUKA20050301.2.3
Bibliographic details
Muka, Volume 17, Issue 1, 1 March 2005, Page 1
Word Count
549Te Wiki o Te Reo Māori Muka, Volume 17, Issue 1, 1 March 2005, Page 1
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.
Log in