Ngā Rauemi Tauwhitiwhiti mō Pūtaiao Online

Muka, Volume 16, Issue 4, 1 October 2004, Page 2

Ngā Rauemi Tauwhitiwhiti mō Pūtaiao Online

Na te tima Maori o Te Kete Ipurangi i hoahoa enei rauemi putaiao hou mo te paewhakaata a Te Tahuhu o te Matauranga. E whai panga ana enei tu ahua ki nga matauranga Maori, a, ko nga horopaki e pa ana ki nga mahi o naianei, e parekareka ai nga akonga Maori. Ka kitea enei tauwhitiwhitinga rorohiko i runga i te paewhakaata hou a Putaiao Online. Hei te mutunga o te tau nei ka whakaterehia. I roto i te tauwhitiwhitinga Me Mahi Hangi Tatou, ka whakamatautauhia e nga akonga nga pukenga putaiao o nga momo wahie, nga momo kohatu me nga momo kai hoki, e kitea ai te hangi reka rawa atu. Ko ta tenei tauwhitiwhitinga, ara, a Matariki he arataki haere i nga tataitanga arorangi a te Maori, a, e whakamahi ana i te Whetutaka, mete Totohuwhetu, hei whakaatu i nga wa whakato kakano, nga whakangautanga, me nga mahinga huahua. Ko tenei o nga rauemi, ara, Te Wananga o nga Manu, he kawe i nga tamariki kite Wao-tapu-nui-a-Tane, kite whakaako i nga mohiotanga ka kitea ma te matakitaki haere i era o nga taiao - ka rawe ki nga tamariki reanga teina, nga nekehanga parekareka a nga manu, ka kitea e ratau, a, ka kitea hoki e te hunga tamariki reanga tuakana te hohonutanga o nga mahi i tenei

wananga.

Ko te ki a Wiremu Grace te kaiwhakahaere i nga mahi auaha, mo nga rauemi nei, he pai te whakaako

i nga mahi akoako putaiao ma tend mahinga hou. “He tuku i nga tamariki kite whakamatautau a-mariko haere, e kore hoki e taea i tenei ao turoa.” E watea ana hoki nga putanga Ingarihi o enei tauwhitiwhitinga i runga i Te Kete Ipurangi mo nga akonga o nga kura me nga akomanga riroa. Ko etahi atu o nga rauemi o runga o te Putaiao Online, ko nga korero mo te kaiako, me nga whakamatautau a nga akonga. Ka whakataungia nga

hononga ki etahi atu paewhakaata,

parongo hoki e pa ana ki nga rauemi

putaiao kua tangia ki roto i te reo Maori e te Tahuhu o te Matauranga, kei roto hoki i nga kura. Ma tenei paewhakaata e miramira te akomanga putaiao mo tenei tau, ma nga akonga o nga Whare Kura kei te tau 11, a, i hangaia e Mana Tamariki. Ka noho ko tenei te paewhakaata tuarua e tautoko ana i te Marautanga Maori, e whai ana hoki i te whakaterehanga i te tau 2002, o Nga Toi Online, a, e hoatu rauemi ana ma nga kura kaupapa me nga akomanga rumaki e tautoko ana i Nga Toi i roto i te Marautanga o Aotearoa: www.tki.org.nz/r/arts/ ngatoi/index_e.php. Ko tewhainga matua o Te Tahuhu o te Matauranga he whakatu paewhakaata hei tautoko i nga wahanga akoako katoa o nga Marautanga. o