HE MIHI KAU NOA

Muka, Volume 11, Issue 4, 1 September 1998, Page 1

HE MIHI KAU NOA

Nā Tīmoti Kāretu

No na noa nei i puta ai te whakatau a Te Kaunihera o Te Whare Wananga o Wikitoria kia whakawhiwhia to tatou kuia,. karanga maha, a Miria Simpson, kite tohu kairangi, ara, kite reo Pakeha, ki te Honorary Doctor of Literature mo te katoa o ana mahi kua mahi hei painga, hei oranga mo te reo Maori.

Kia hoki ake nei te whakaaro kite wa tuatahi i tutaki armaua.

Ko te tau 1957 toku tau tuatahi i Te Whare Wananga o Wikitoria me Te Whare Takiura o Te Whanga-nui-a-Tara engari ko te nuinga o te wa i paii ke i a au kite whare wananga i runga ano i te ahua o nga mahi e mahia ana e au i era wa. Heoi ano, i tupono noa iho taku kuhu atu kite whare pukapuka na ko te kuia nei, ko ia hoki te hekeretari a te rangatira o te whare pukapuka o taua wa. Ko tona ingoa karangaranga i waenga i te hunga akonga ko Te Reo, ara, ko te Voice, na te mea rangona ai te pakepake, te tiorooro mete tikaka o tona reo i nga wahi katoa e puhia mai ana e te hau ina tata atu te tangata kite. whare pukapuka. Me kore ake te pirihimana nei i te kaha ona kite patapatai i nga akonga Maori 'Ko wai to ingoa?" "No hea koe?" "He tohu aha tau e whai nei?" "Kei te pehea te haere o nga mahi?" Haere te patai, haere te patai!

Ko te 195 Bte tau ka tu ko Wikitoria hei tangata whenua mo te hui a nga akonga Maori o roto i nga whare wananga puta noa i te motu, a, ko tera te tau i tino timata ai te kapa haka o te whare wananga. Ko ia tetahi o te kapa hei

powhiri i te ope whakaeke, a, ahakoa to matou tokoiti, ina whakaritea atu kite tokomaha o nga akonga Maori o. te whare wananga o Tamaki, i tu tonu i a -matou tona punua puehu!

Kati ha, e tika ana kia uhia tenei kuia ki tenei tohu na te mea he kuia kaha kite whawhai kia tika nga reo e rua kia tino riro ai ma tetahi tetahi e tautoko kia kaua e reo kotahi noa nei. Otira ko te tino whainga kia eke ko te reo Maori na

te mea koira ke te reo i te tino he i waenga ite hunga akonga. Mohoa nei koira tonu te reo e he mai ana.

Kua whakatu nei Te Taura Whiri i ana kura hei whakapakari i te reo o te hunga whai mai ko ia tetahi o te hunga whakaako, a, ko tana tino mahi ko te whakapakeha korero. Ehara tenei i te mahi mama, a, i etahi wa pau ana te wha haora kite kowae kotahi kia eke ra ano ki tana i whakaaro ai e tika ana. Ki kona nga akonga hongehongea atu ai he aha

te aha, e u ana a kuia ki tana!

Ehara i te mea he aha, e kui e, heoi ano he mihi kau noa na te mea kua noho mai ko koe hei whakamaunga atu ma 6 akonga maha o roto i nga tau ahakoa o te wa i a koe i Wikitoria, ote wake ranei i a koe i roto i nga mahi a Te Taura Whiri.

Ko taku noa i konei, otira ko ta rriatou katoa o tenei whakahaere a tatou i konei, he ki, Ae, Miria, ka mihi rate ngakau, nou, no tatou tena ekenga 6u ki ona taumata.

Na te mea e noho ana ko koe tetahi o nga kaiwhiri o Te Taura Whiri kua whakahihi ano hoki matou na te mea ko koe tena kua whakamanawatia nei ko tatou katoa no reira tena rawa atu ra koe.

Me penei noa ake pea, 'He kura te tangata'. Kei hea ke hoki i tua atu?