‘Mataora’

Muka, Volume 10, Issue 1, 1 January 1997, Page 7

‘Mataora ’

Ko tenei pukapuka ko Mataora he mea tuku kite ao ite ahiahi o te Taite, te 5 o Hakihea i te Whare Paremata, e te Minita mo Nga Take Toi, e te Honore Doug Graham.

Ko te pukapuka nei he kohikohinga whakaaro mai i te hunga toi o te ao Maori o enei wa nei, a, ko Buck Nin anake te tohunga toi o roto i te pukapuka nei kua ngaro i te tirohanga kanohi, na reira ka tangi te ngakau ki tera o tatou e moe nei i te moe te whita, i te moe te rea. E te uri o Raukawa, e koro, takoto mai, takoto mai ra.

Ko nga korero o roto i te pukapuka nei na te tohunga whakarawai kupu nei, na Witi Ihimaera mete awhina atu a Sandy Adsett, te Tumuaki o te Wahanga Toi Maori o te Kuratini o Te Tai Rawhiti, raua ko Eric Tamepo, te Apiha Matamua o Toi Maori.

He roa te wa mai i te tokonga ake o te whakaaro kite putanga kite whai ao, kite ao marama engari i u ratou ahakoa nga porearea, nga piroiroi, a, mete aha ano i tona putanga he taonga e whakahihi ai te tangata.

Ko nga whakatauiratanga i nga mahi a tena tohunga, a tena tohunga he tino kai na te mata, a, ahakoa pehea, e kore rawa e makona i te kaha o te ataahua, o te tau.

No te po o te Paraire, te 6 o Hakihea, ka tukua ano te pukapuka nei ki ta te Maori tuku i Te Kuratini o Te Tai Rawhiti i Turanga. Rere ana te kupu, kopakina ana te taonga ki ona kupu tau, kupu hangai, kupu whakamanawa, a, riro ana ma te haka mete waiata e whakau.

Kati, anei tenei o a tatou taonga kua puta hei whakamiharotanga ma te tangata. Ko nga momo toi e whakaata ana ita enei whakatipuranga titiro kite ao, a, akene hei ona wa ko ena tetekura me 6 ratou na whakaaro, a ratou na mahi. E koutou, ete hunga tohunga toi, ka mihi rate ngakau, ka whakamiharo ki ta koutou i mahi ai. Tena kia raweketia ake e au tetahi o nga whakatauki kia hangai ai, Hepai kai e kore e roa te tirohanga, hepai toi e roa te tirohanga.