Untitled

Mahi a te hui o te Hahi Maori o te Takiwa o Turanga i te Pihopatanga o Waiapu, 16 December 1895, Page 8

W. L. WAIAPU,

1. I whakaaria e Mohi Turei, minita, i tautokona e Pita Pokia : E whakapai ana te Hui ki te whai-korero a te Pihopa, he mea atu auo teuei kia whakaae ia kia perehitia i roto i nga mahi a te Hui. Whakaaetia ana. 2. I meatia ko Te Wiremu Hapata hei kai-tuhituhi i nga mahi a te Hui. 3. I whakaurua ki roto ki te Hui nei a Pineamine Te Awarau ratou ko Erueti Pena, ko Te Mokena Pomio, ko Hirini Tutu hei whakapuaki i a ratou korero. 4. I whakaaria e Hakaraia Pahewa, minita, i tautokona e Wi Takeke : Kia whakapumautia te marama o Maehe hei tunga mo te Hui o te Hahi Maori kia kaua i nga ra o Tihema. Whaieaaetia ana. 5. I whakaaria e Putene te Arahi, i tautokona e Meiha Papata: —

Kia tu te Hui ki te Pariha o Whangara, a te tau 1897. Whakaaetia ana. 6. I whakaaria e Hakaraia Pahewa, mimta, i tautokona e Putene te Arahi : Kia whakaritea e ia Komiti, e ia Komiti, o nga whare-karakia o nga Pariha he Paipera, he Kawiri, he Himene, mo aua whare, hei mea ano hoki e pumau ai aua pukapuka mo aua whare. Whakaaetia ana. 7. I whakaaria e Hakaraia Pahewa, minita, i tautokona e Pita Pokia: — Kia whakaritea he inoi ma nga tamariki ririki kia perehitia e te Hahi kia akona e nga matua i te ata, i te ahiahi, hei mea e wehi ai nga tamariki ki te Atua. Whakaaetia ana. 8. I whakaaria e Hakaraia Pahewa, minita, i tautokona e Hone Waitoa, minita : Kia whakamutua nga mahi maori i roto i o tatou takiwa. Whakaaetia ana. 9. He patai atu na Hakaraia Pahewa, minita, ki te Pihopa: — E tika ana ranei kia wPakawhetaitia nga wahine whanautamariki e moe puku ana ? I utua e te Pihopa : Ko te tikanga marama mo te whakawhetai a te wahine whanau-tamariki, kia mau ano te wahine ki nga tikanga a Te Karaiti, ka tomo ai ki roto ki te whakaminenga whakaputa ai i tana whakawhetai ki te Atua. Tena e takahi ana i nga tikanga a Te Karaiti, ka haere ano ki te whakawhetai, he whakapehapeha tena, kahore hoki e marama. 10. I whakaaria e Hakaraia Pahewa, minita, i tautokona e Hone Waitoa, minita : Kia whakaaro te Pihopa kia whakaritea etahi o nga Piriti o Ngatiporou kia haereere i roto i nga marama e rua ki te whakatakoto haere i te Hapa a te Ariki. Whakaaetia ana. 11. I whakaaria e Penata Pakipaki, i tautokona e Peta Potini:—

Kia whakapakia a Timutimu Tawhai hei hoa mo Hakaraia Pahewa. I whakaaturia e te Upoko, ko te momotu i te tangata hei minita, nia te Pihopa anake tena e whakaaro, koia i whakariroia ketia kia penei te motini : He pai me e marama ana te wehe i te Pariha o Te Kaha kia rua, kia rapua hoki he oranga mo te rua o nga minita. Whakaaetia ana. 12. I whakaaria e Te Hemara Moana, i tautokona e Pihara Kangamaro, minita : He pai kia kitea he tikanga mo te mate o te Pariha o Tuparoa ka tuturu nei te mate turoro, kaumatua, o to reira minita. Whakaaetia ana. 13. I whakaaria e Erueti Kena, i tautokona e Katene Pohoiwi: — He whakaputa tenei i te aroha o tenei Hui ki te Minita o te Pariha o Whareponga ka pangia nei e te mate taumaha ki te kaha rawa hoki tona mate, ma te Pihopa e whakaaro tetahi tangata hei minita mo taua Pariha. Whakaaetia ana. 14. I whakaaria e Meiha Kapata, i tautokona e Mohi Turei, minita : He tono atu tenei ki nga matua ki nga whanaunga ki nga hapu o Karaitiana Katapu, minita, kia whai whakaaro ratou mo nga moni ote whare karakia oTe Kaha i ngaro nei i a ia. Tera ano nga pariha o Ngatiporou, me nga minita, me nga rangatira, e awhina i taua whakaeanga o taua moni i ngaro nei i a Karaitiana. Whakaaetia ana. 15. I whakaaria e Hori Tohungia, i tautokona e Peta Potini : Kia whakaarohia a Nikora Tautau, minita, me kore e taea te whakahoki mai hei riwhi mo Matiaha Pahewa, minita, i te mea kua kitea nei e te pariha kua heke haere tona kaiotatanga. Whakaaetia ana. 16. I whakaaria e Hone Te Kauru, i tautokona e Peta Potini :

Kia waiho he noho mo te tangata i roto i te whare karakia i nga tu noho o mua, ma te karaka o te whare karakia e whakahaere te noho o nga tangata. Kia puta wawe hoki ko te minita i te mutunga o te karakia, katahi ano ka puta te iwi ki waho. Whakaaetia ana. 17. I whakaaria e Hori Tohungia, i tautokona e Mohi Turei, minita : I te mea e homai ana he karakia mo nga pakeha ki roto ki tetahi whare-karakia o nga tangata Maori, ko te mea tika kia puta he whakaaro ma nga pakeha ki runga ki nga mate o taua whar e -k ar akia. Whahaaetia ana. 18. I whakaaria e Hemi Pititi, i tautokona e Hori Tohungia : Kia whakatuturutia e Kongowhakaata he tangata hei noho tonu ki te taha o te whare-karakia i Manutukea, hei tiaki i taua whare. Whakaaetia ana. 19. I whakaaria e Pita Pokia i tautokona e Te Hemara Moana : He whakamoemiti na te Hui ki a Te Whanau-a-rua mo to ratou kaha ki te manaaki i ta ratou Hui, a ma te Ariki pu ano ratou katoa e tiaki ara matou tahi. Amine. Kei konei ka whakamutua te mahi a te Hui e te Pihopa ki te manaakitanga. I panuitia, i whakapumautia 16th Tihema, 1895.

Upoko.