WHAI-KORERO A TE UPOKO.

Mahi a te hui o te Hahi Maori o te Takiwa o Turanga i te Pihopatanga o Waiapu, 16 December 1895, Page 3

WHAI-KORERO A TE UPOKO.

E hoa ma, e nga Minita, e nga Mangai o te iwi:—

Taku kupu. tuataiii inaianei, he whakawhetai ki te Atua moku ka kite nei i a koutou ki konei i tenei ra; i puritia ra ahau e te aitua i tera tau i kore ai e ahei te haere ki te Hui ki Waipiro. Tenei hoki etahi take e whakawhetai ai tatou katoa ki te Atua. Te tuatahi, ko te kore raruraru hei whakaware i a tatou i runga ite niahi ki te Atua i o tatou nei wahi. Te tuarua, ko te ahua o nga iwi o Aotearoa nei kua kotiti ke ra i runga i te huarahi ote whakapono. Kua nui haere inaianei te ngakau

hoki mai ki tenei huarahi, o nga tangata a te Kingi Maori, a Mahuta, i Waikato : kua maranga nei he whare-karakia ki Te Pourewa, na taua iwi ano i timata te kohikohi i te moni hei hoko i nga rakau mo te whare, he mea kia whai whare ai ratou mo to ratou huihui ki te karakia. He marama ano nga korero mo te Kingatu i etahi wahi, ara i Maketu, i Tauranga ; kua anga mai te taringa ki te wTiakarongo ki nga korero a nga Minita, e kawe atu nei ite kupu ate Atua ki a ratou. Ko nga tangata hoki o Wairarapa, kua kakama ano ki te w-hakapono. Heoi ano nga mea e whakakake tonu ana, ko te Kingatu i roto i a tatou nei. Te tuatoru o nga take, ko te ngahau o te mahi kawe i te Pongopai ki nga motu o Melanesia. I tae mai to reira Pihopa ki te Hinota Niu, i tu nei ki Nelson ; i kite hoki etahi o tatou i nga tamariki i eke mai nei hei hoa mona. Ko nga hua enei ote mahi ki era wahi, e mohiotia ai te taunga iho o ta te Atua manaaki ki reira. Te hokinga atu ote Pihopa, tokotoru nga tangata o Niu Tireni nei i haere i a ia hei kai-mahi ki etahi o nga motu. Ko enei mea e tatau nei ahau, ehara ite mea etu noa ai tatou, e mangere ai ki te mahi; engari he mea e whakaputa tonu ai tatou i te uaua ki nga wahi katoa o ta te Atua mahi e tata mai ana ki a tatou. Tena ano te tauira mo te tuku ate tangata i a ia ki ta te Atua mahi, ko nga mihinare tane, wahine, i patua ki Ohina i a Akuhata ka mahue ake nei. Kia rite tatou ki a ratou te whakapau i te ngakau ki runga ki nga mea kua tukua mai e to tatou Ariki hei mahinga ma tatou.

E kore e tika kia whakapehapeha tetahi ki te iti haere o te haurangi waipiro, i nui rawa nei ki enei wahi i etahi o nga tau kua mahue ake nei ; ki te maha ranei o nga w’hare-karakia kua maranga ; ki te tokomaha ranei o nga tangata e tango ana i te Hapa ate Ariki. Engari me ata titiro e tatou nga w-ahi e hapa tonu ana. Kei te mate tonu etahi wahi ite kore whare-karakia ; ko etahi hoki o nga whare-karakia, kei te whare mahue te rite ; kihai i hangaa nga wahi pakaru ; kihai i whakaaroa waw r etia he peita mo waho ; e tukua ana kia tomokia a roto e te manu, e poke ai nga wahi katoa o roto, e kino ai i nga otaota e taria ana ki roto hei kohanga, e rite ai ki te whare pikaokao. Tera ano e kiia te ahua he o te wTiare-karakia he tohu no te he o te whakapono ote iw r i nona te whare. Kia ora te wTiakapono, e kore e whakaparahakotia te w-hare o te Atna.

Tetahi mea e hapa ana, ko te ata whakaako i nga tamariki ki nga mea hei oranga mo te wairua. E huihuia ana nga tamariki ki te kura o ia kainga, o ia kainga ; e kaha haere ana i reira te whakaako i nga mea o te taha ki te tinana ; ko te taha ia ki te wairua, kahore e maharatia. Me pehea ra e tika ai nga whakaaro ina kaumatua ki te kore e ata whakaakona i te tamarikitanga ki nga taonga kua homai nei e te Atua ki a tatou i roto

ia Te Karaiti. Na konei ano i kore ai he tangata mo te whakau. Kei nga minita ratou ko nga matua o nga tamariki tetahi wahi o tenei mate. Tena te kupu tohutohu ote wa ote iriiringa, 4 ‘ Me arahi tenei tamaiti ki te Pihopa kia whakaukia, ina matau ki nga kupu o te Whakapono, ki te Inoi a te Ariki, ki nga Ture kotahi tekau.” Me i maharatia tenei kua kitea i nga tau katoa he tangata mo te whakau.

Tetahi mate, ko te karakia i roto i te Whare-karakia e koroukore ana. Engari kia ngahau te karakia; kia tu katoa nga tangata a te wa e tika ai te tu ; kia tuturi a te wa e tika ai te tuturi; kia puaki ano te waha ote katoa ki te whakahua i nga kupu hei whakahuatanga ma te katoa. Kia mutu hoki te karakia, kaua e takare ki te puta ki waho; engari me tu marire, a kia tae rawa te minita ki te whare kakahuranga, katahi ano te tokomaha ka haere. Ma te ngakau whakawhetai ki te Atua mo nga taonga kua whakawhiwhia mai e ia i roto i a Te Karaiti ka ngahau ai te karakia, ka ahua hopohopo ai hoki te tinana i te mea e karakia ana.

Ma te Atua e tautoko ta tatou mahi aianei e neke ake ai te pai o tenei wahi o tana Hahi.