Whakatikatika i nga Rekureihana whakatakoto Tikanga e tukua ai nga Rota o roto i nga Taone Maori i raro i “Te Ture Whakahaere i nga Whenua Maori, 1900," me ona Whakatikatikanga.

Ko te Kahiti o Niu Tireni, Issue 57, 23 December 1908, Page 675

Whakatikatika i nga Rekureihana whakatakoto Tikanga e tukua ai nga Rota o roto i nga Taone Maori i raro i “Te Ture Whakahaere i nga Whenua Maori, 1900," me ona Whakatikatikanga.

PLUNKET, Kawana. NOTEMEA kua meinga hei ture e tekiona waru o “ Te Ture Whakatikatika i nga Ture mo nga Whenua Maori, 1902,” me whai mana te Kawana i ia wa i ia wa i runga i te Panuitanga i perehitia ki roto kite Gazette mete Kahiti kite parlui i tetahi piihi whenua Maori, i etahi piihi whenua Maori ranei, ahakoa he wahi aua piihi no etahi poraka maha kaore ranei, a ahakoa e puritia ana aua whenua e nga tangata nona i runga i te taitar i> wehewehe kaore ranei, ara, kite kii me tau aua piihi whenua kite Poari hei turanga mo tetahi taone Maori, a i runga ano i taua Panuitanga kite tapa i tetahi ingoa mo taua taone : A notemea kua meinga hei ture e tekiona tekau ma tahi o taua Ture, me whai mana te Kawana i ia wa i ia wa kite whakarite, kite whakarereke, kite whakatika ran -i i nga rekureihana hei whakatakoto i te huarahi me nga ritenga e riihitia ai, e hokona ai, e whakawhitingia ia, e whakahaerea ai ranei i runga i etahi atu tikanga, nga rota o taua taone, mete whakatakoto i nga huarahi katoa hei whakahaerenga ma te Poari i taua taone, a ko aua rekureihana katoa me perehi ki roto kite Gazette mete Kahiti ; A notemea i runga i tetahi Panuitanga i tuhia i te tekau-ma-toru o nga ra o Pepuere, kotahi mano e iwa rau ma toru, mahia ana etahi rekureihana i raro i nga tikanga o taua tekiona tekau-ma-tahi, a perehitia ana ki roto kite Gazette mete Kahiti i te ruatekau-ma-ono o nga ra o Pepuere, tahi mano e iwa rau ma toru : A notemea ko aua rekureihana i mahia ra i perehitia ra kua whakatikatikaina ano i runga i etahi Panuitanga i perehitia ki roto kite Gazette mete Kahiti o te tekau-ma-tahi o nga ra o Pepuere mete rua-tekau o nga ra o Oketopa, tahi mano e iwa rau ma wha : A notemea e tika ana kia whakatikatikaina ano aua rekureihana: Na reira, i runga i te whakahaerenga i nga mana kua whakawhiwhia nei ki ahau e taua Ture, me era atu mana katoa e ahei ai ahau kite pera, ko ahau, ko William Lee, Baron Plunket, te Kawana o te Tominiona o Nui Tireni, i runga i te tohutohu mete whakaae a te Kaunihera Whiriwhiri, tenei ke whakatikatika i aua rekureihana, ara, — Ko Rekureihana 9 kua whakakorea a kua hoatu ko tenei e whai ake nei hei whakakapi: — 9. Ko nga riihi katoa e whakahaerea ana mo nga rota e hara nei i te rahui kaua e nuku atu i te rua-tekau-ma-tahi nga tau o ia riihi, a ko te moni reti hei te moni nui rawa e taea ana i taua wa, a kia kitea ai taua tu moni me tuku nga riihi katoa kite makete kite tena {tender) ranei e tuwhera ana kite katoa, i runga i ta te Poari i whakaaro ai he tika. Engari ka ahei te Kawana i runga i te Ota Kaunihera, he mea tohutohu e te Poari, kite whakamana i te Poari ki te hoko, kite whakawhitiwhiti, kite mokete ranei i tetahi rota i etahi rota ranei. Ko ia hoko pera, haunga ia kite takoto ke nga tohutohu i roto i taua Ota, me tuku kite makete kite tena {tender) ranei e tuwhera ana kite katoa, a hei reira hei tikanga mo taua hoko me pa nga rekureihana e whai mana ana i taua wa mo nga hokohokonga o nga whenua kua tau kite Poari. Ko ia whakawhitiwhitinga me ia moketetanga me rite ki, ame haere i raro i, nga tikanga kua tuhia ki roto ki taua Ota. 9a, Ko ia tono kite Poari kia whakakorea a katoa tetahi wahi ranei o tetahi riihi kia taea ai te wawahi o te whenua, me tuhituhi kite pukapuka, a me whakahua i roto te maha o nga riihi e hiahiatia ana kia whiakaputaina hei whakakapi mo te riihi e meatia ana kia whakakorea. Me tapiri atu kite tono tetahi mapi hei whakaatu i nga wawahanga ote riihi tuatahi e meatia ana kia mahia. Ahakoa etahi atu kupu kei roto i etahi atu rekureihana, ka ahei ta Poari, ina tae atu he tono pera, kite whakaae kia whakakorea te katoa tetahi wahi ranei o te riihi tuatahi, a ka ahei kite whakaputa kite kaitango riihi ki tana ranei i whakahua ai ki ana ranei i whakahua ai, he mea whakaae e te Poari, tetahi riihi hou, etahi riihi hou ranei, engari ko te ra e mutu ai aua riihi hou ko te ra ano e mutu ai te riihi tuatahi. Ko te moni reti o taua riihi hou o aua riihi hou ranei me rite te nui ki nga moni reti o te riihi tuatahi kua whakakorea ra: Engari ko nga utu katoa, nga tiaati, me nga moni e pau mo te mahinga i taua whakakorenga me aua riihi hou, hui atu kite hainatanga mete rehitatanga i aua mea, ma te kai-tono e utu. 9b. Ki te whakakorea tetahi riihi mo tetahi take, haunga te wawahi kua whakaritea nei e te rekureihana o mua tonu i tenei, hei reira me tuku taua riihi hei whakataetae ma te katoa i runga ano i nga tikanga o Rekureihana 9, engari mo nga tau e toru timata atu i te ra i whakakorea ai taua riihi e kore te kai-tango riihi nana te riihi i whakakorea ra e ahei kia riro ia hei kai-tango riihi i raro i te riihi hou, ahakoa i runga i te riihi tuatahi, riihi whakawhiti, riihi tuku, riihi-raro ranei. He mea tuku i'raro i te ringa o His Excellency the Right Honourable William Lee, Baron Plunket, Knight Commander of the Most Distinguished Order of Saint Michael and Saint George, Knight Commander of the Royal Victorian Order, te Kawana, tino Rangatira hoki, ote Tominiona ote Kingi i Niu Tireni me ona wahi katoa; he mea whakaputa i raro i te Hiiri o taua Tominiona, i te Whare o te Kawana, Poneke, i tenei te tekau ma whitu o nga ra o Tihema, tahi mano e iwa rau ma waru.

He mea whakahaae i roto i te Kaunihera. ALEX. WILLIS, Karaka o te Kaunihera Whiriwhiri.

J. CARROLL,

Minita mo te Tahi Maori,

E te Atua Tohungia te Kingi I