PANUITANGA.

Ko te Kahiti o Niu Tireni, Issue 54, 23 November 1905, Page 498

PANUITANGA.

Te Mate Taewa. Nga Purapura Taewa. — Mehemea ka taea me tuku nga purapura kite rongoa e kiia nei he Bordeaux mixture, i mua mai i te whakatokanga (mehemea ra kaore i peratia i te hauhakenga) he mea penei me tenei e whai ake nei te mahi, ara :

Kia 4 nga pauna purutone {bluestone). Kia 4 nga pauna raima tahu hou {quicklime). Kia 40 nga karani wai. Me penei ranei:— Kia 4 nga pauna purutone {bluestone). Kia 5 nga pauna houra horoi {washing-soda). Kia 40 nga karani wai.

He kaaho te mea pai hai whakaranunga mo te rongoa nei, me kohi nga purapura ki roto ki tetahi kete, he mea hanga kite waea, mea pera ranei, ka tuku ai ki roto kite rongoa i te kaaho, kia kaua e roa atu i e rima mineti e ngaro ana i te wai, ka tango ake ka bora ai kia maroke. Otiia, he rite tonu te hanga ite rongoa nei mete hanganga ote rongoa mo te mahi mapu.

Te Mahi Mapu ina ka Tupu te Taewa. He nui te mate ipa ki nga taewa i Niu Tireni nei, a koi nei te rongoa e kiia nei he Bordeaux mixture hei patu i tana mate, ara : — Kia 6 nga pauna purutone {bluestone). Kia 4 nga pauna raima tahu hou {quicklime). Kia 40 nga karani wai. Me penei ranei:—

Kia 6 nga pauna purutone {bluestone). Kia 5 nga pauna hora horoi {washing-soda). Kia 40 nga karani wai.

Tukua nga purutone ki roto kite kaaho, tetahi mea hanga kite papa ranei, kaua rawa kite mea haeana, ringihia ki runga kia 5 nga karani wai, ka waiho ai kia rewa katoa nga purutone, ko te mea pai me kohi nga purutone ki roto ki tetahi peeke he mea tatahi te raranga, ka whakairi ai ki tetahi rakau i whakahipaetia ki runga kite kaaho kia tautau ai nga purutone ki roto ite wai; mehemea e hiahiatia ana kia hohoro te rewa he pai noa atu te whakarewa kite wai wera. Ko te raima me tuku ki roto i te taapu, pakete ranei, ka hoatu he wai kia iti, engari kia maku katoa nga raima kia hu ai nga raima, kia rewa katoa nga purutone hei reira ka hoatu te wai purutone ki roto kite kaaho, me korori raua kia tino ranu rawa, katahi ka hoatu te toenga o te 40 karani wai ki roto, waiho ai kia tu ana kia tatu ki raro nga para o te raima. Ko te mea tika hei ringihanga i te rongoa nei ki runga ki nga taewa he papu mapu {spraypump) whai cyclone, Bordeaux nozzle ranei (ara he mea whakapiko nga puta rerenga mai o te rongoa kia taea ai a raro o nga ran) ; me timata te mapu i te mea ka 6 nga iniihi te roroa o nga tupu o te taewa tae atu kite 9 nga iniihi, kia tekau nga ra i muri mai me mapu ano kia toru nga mapunga. Me tino kaha te mapu i raro i nga ran tatemea e hua mai ana te mate i reira. Kua kitea e pangia ana nga taewa e te mate me mapu ano. A te rua mete toru o nga mapunga, mete mapunga i nga taewa kua nunui nga tupu, a kua ahua maro hoki nga ran me hanga te rongoa nei kia ahua kaha ake —ara kia 6 nga pauna purutone {bluestone), kia 4 nga pauna raima tahu hou {quicklime), kia 5 nga pauna houra horoi {washing-soda ranei).

Mehemea ka ua i roto i nga haora e toru e wha ranei i muri i te mapunga, i te mea kahore ano kia maroke noa nga rongoa i runga i nga ran me mapu ano ina ka pai te rangi.

Ki te pangia kinotia he taewa i te mate nei me keri tonu, engari i mua i te keringa me tapahi nga rau ka tahu ai kite ahi, ma tenei hoki e whakamate te miriona o nga heeki o te mate nei, e kore ai e pa atu ki nga taewa ora, e heke atu ranei ki nga taewa. Me tupato rawa te mahi kowhiri i nga taewa ; kite kitea he taewa e ahua mate ana me tahu tonu kite ahi, tatemea kite uru he taewa mate ki roto kite rua ka pirau katoa nga taewa o roto o tana rua. Mehemea ka tino whakahaerea tikatia nga kupu tohutohu nei, e kore te mate nei e hora haere, ma te mahi mapu nei e arai. Ki te kore e mahia, heoi ano ka mate nga maara taewa ite aitua nei.

He nui nga maara taewa kua whakaorangia i te rongoa nei, ara i te Bordeaux mixture, a e tino tan ana kia mapua nga taewa ahakoa kaore ano kia pangia e te mate, e rite ana hoki tenei kite mahi inihua, e arai ana hoki i te mate aitua nei.

E taea ana a raro o nga rau o nga tata te mapu kite papu whai cyclone, Bordeaux nozzle, side-delivery cyclone nozzle ranei, ara he mea whakapiko nga puta rerenga mai o te rongoa kia taea ai a raro o nga rau. Ate wa e hauhakea ai nga taewa ite ngahuru e haere ake nei, me tuku nga purapura kite Bordeaux mixture, me tango ake, me hora kia maroke, a me waiho i roto i tetahi whare e puta nei te han ki roto, kaua rawa e kohia ki roto Ki te rua. He tikanga pai te rui raima tahu hou ki runga ki nga taewa, i kawea atu ki roto ki nga whare takoto ai hei kai hei purapura ranei, ma reira hoki e inau ai te pakari mete ora o te taewa.

Kupu Whakatupato. — He paitini te purutone, na reira kia tupato rawa kaua te waiho o te kaaho kei hoatu he wai inu, he kai ranei ki roto tu ai, a mate iho te tangata. Ko nga purutone tika ko nga mea e kaha rawa ana te puru. Kc nga raima hei nga mea hou (ara quicklime). Kaua rawa e whakarewangia te purutone ki roto ki nga mea haeana. Me riringi te rongoa ki nga taewa i muri tonu iho i te whakaranunga i nga rongoa e rua, mehemea ka roa e tu ana, ara, ka nuku atu i te rua-tekau-ma-wha nga haora e tu ana te rongoa, ka heke te kaha. Ka oti te eka kotahi te riringi kite 75 karani ote rongoa nei.