Panuitanga naku na Te Hapuku mo Poukaawa moana kia kaua e whakamaroketia i muri ia au nei.
Hei Ture tuturu tenei maku ma Te Hapuku mo toku whenua mo te Hauke papa tupu, tae noa atu ki nga whakatupuranga katoa e haere ake nei. E hoa e te Etita o Te Wananga, tukua atu e koe taku panui kite ao katoa nei haere ai kia kitea ai, e nga iwi katoa i runga ite Mutu nei, Maori, Pakeha hoki, kia raa nga reo, he Maori he Pakeha hoki. Na, taku kupu ko Poukaawa moaoa, kaua e pokanoa te Pakeha, te Maori ranci kite kari awa, hei rerenga mo te wai, kei maroko a Poukaawa. E kore e tika kia pokanoa te Pakeha, te Maori ranei kite hariga ritenga maana ki runga ki toku whenua lie ingoa ano toku, he rnana ano toku kei runga kei oku whenua e mau nei i ahau, he wahi iti tenei wahi e toe nei ko anake, me waiho tonu tenei wahi kia takoto Maori ana, kaore he Karauna Karaati, kaore he wliakawa mo runga i tenei whenua papa tupu ite Ilauke, puta noa ki Poukaawa moana, he taunga mo taku Ture Maori, he tiJcanga tonu iho tenei naku tipuna, tuku iho nei ki a ahau kia Te Hapuku. E hoa e te Etita ote Wananga tukua atu e koe taku panui kia Ta Hori Kerei, kia whakamanaia rnai, te Ture Maori, otira e whai mana ana ahau kite whenua. Me tuku tonu nga panui i nga Hatarei katoa o tc raarama o te tau 1878. He kupu tautoko tenei na te Komiti Kaumatua mo te kupu a te Hapuku, e tika ana, ka rongo tonu matou i ana kupu, kaua te Pakeha e pokanoa kite kari awa hei rerenga mo te wai, kei maroke a Poukaawa. Ko te take kaore tenei whenua i Kootitia, Kaore i Karauna Karaatitia, he whenua papatupu tonu tenei whenua ko Te Hapuku tonu te Karanna Karaati o rungvx i te mana Maori takoto ai. He Ture tuturu tonu tenei mo nga tupuna, tuku iho ki ngamatua, tuku iho nei kia matou ki ona uri i muri i a ratou, kaua te tangata e pokanoa kite whakahe i tenei Ture Maori, kua whakatuturutia nei e Renata Tamakihikurangi te Ture Maori, mo te Hauke papa tupu, puta noa i nga taha katoa o Poukaawa moana, haere noa i nga taha taha katoa o Poukaawa moana, te taunga o tenei Ture Maori, taihoa ka tuhia te raina o te rohe ote Hauke papa tupu, puta noa i nga taha kntoa o te roto, hei taunga mo tenei Ture Maori, heoi, e hoa e te Etita o Te Wananga, kia tere to tuku, kia Te Wananga, hoi xnatakitaki ma nga ivri Maori, Pakeha hoki.
Ko tenei panui me tuku tonu i nga Hatarei katoa ote inarama, ote tau 1878, heoi na te Komiti katoa e noho nex 1 te Hauke. Na Te Harawira te Tatere, Na Te Ropiha te Takou, Na Herai te Hukui, Na Te Waaka Rewharewha, Na Matene Waewae, Na Renata Tamakihikurangi, Na Raniera te Iho, Na Ropata te Hoa, Na Kiingi Tohunga, Ko Maika te kai tuhi.
Permanent link to this item
https://paperspast.natlib.govt.nz/newspapers/WANANG18780803.2.14
Bibliographic details
Wananga, Volume 5, Issue 31, 3 August 1878, Page 391
Word Count
527Panuitanga naku na Te Hapuku mo Poukaawa moana kia kaua e whakamaroketia i muri ia au nei. Wananga, Volume 5, Issue 31, 3 August 1878, Page 391
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in