KO TE TATANA I NEPIA.
He mea tango mai tenei korero waea i tetahi nupepa Pakeha o Werengitana, ara:Nepia, Nowema 26. I whai korero te Tatana, mema o te Paremete, inapo i roto ite Whare Purei (i Nepia). Iki tonu taua "Whare i te tangata. Kua panuitia e Piukanana i roto i te Herara nupepa o te ata o taua raugi tana karanga kia " Hui mai nga tangata o Hori Kerei," a 1 maharatia ano tera e maniania taua hui a Tatana i a ratou. No te karangatanga a Tatana ko Kenere he tumuaki mo te hui, katahi ka tu mai taua Piukanana ka kii ehara tena hui i te hui noa iho, engari hei tohu taua hui e kitea ai te ahua o te whakaaro o te iwi katoa o taua kainga, no ko ia ka mea me whakatu tetahi tumuaki e kore a piri ki tetahi taha, ki tetahi taha ranei, katahi ia ka kii kia waiho a Makitukuru, he kai-mahi, hei tumuaki. I konei ka turituri rawa te hui, ka puta auau nga karanga ki a Kenere kia tu. Muri iho ka mea a Piukanana me pooti a ringaringa he tumuaki, whakaaetia ana tena, no te whakaaritanga o nga ringa kitea ana he ruarua noa i whakaaria mo Makitukuru, he nui rawa mo Kenere, ano he ngaherehere te rite. Katahi a Tatana ka korero ki nga mahi i mahia ite Paremete kua taha ake nei; he nui nga tikanga a nga Minita i whakahengia e ia, te mea i kaha rawa ai tana korero ko te whakarerenga a nga Minita i te Pire Pootitanga, ko te mahi pooti a nga Maori tetahi. No te mutunga o tana korero, ka karangatia a te Riihi (roia nei), ka timata he whai korero man a, kihai i ata whakarongona, he turituri he haparangi tonu te mahi. No tona tohenga kite korero ka whakatika nga tangata ote hui kia haere. E haere ana, ka karanga tetahi tangata kia puta he kupu whakatika a te hui mo Tatana, katahi ka rongona te umere a te hui mo Tatana, he whakapai ki a ia. I konei ka whakatika te tumuaki i tona nohoanga, e mea ana kia haere. I konei ka mea a Piukanana kia noho a Makitukuru i taua nohoanga, ka haparangi nga waha o nga tangata kite riri, tineia ana nga raite, pakaru ana te hui. [Tena pea kua ngata rahei te ngakau o Piukanana kite " tohu ote ahua ote whakaaro ote iwi " kua whakakitea nei ki a ia—e ai ki tana.]
Permanent link to this item
https://paperspast.natlib.govt.nz/newspapers/WAKAM18781207.2.11
Bibliographic details
Waka Maori, Volume I, Issue 11, 7 December 1878, Page 164
Word Count
421KO TE TATANA I NEPIA. Waka Maori, Volume I, Issue 11, 7 December 1878, Page 164
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in