TE NEHUNGA O MAATA PARAONE KAWHITI.
(No te Wikiri Niuhi, nupepa o Akarana). Kua tukua mai e tetahi hoa tuhi mai enei korero kei raro iho nei o te nehunga o Maata Paraone Kawhiti, tamahine a Maihe Paraone Kawhiti, o te Kawakawa, Peiwhairangi, ara:—"He "wahi iti ka taea te tau kotahi i noho ai a Maata Paraone i te Kura o Tini Mere (katorika nei) i Akarana i mua atu o tona matenga. Na tona papa ia i tuku ki reira, he hialiia nona kia akona paitia tona tamahine, a i nui te manaaki mete aroha o nga wahine o taua kura ki a ia, he nui Koki to ratou hiahia kia kake ia ki runga kite matauranga. I tata rawa te ngaro ia ia tona reo Maori i te nui o tona ngakau kia mohio rawa ia kite reo Pakeha. Ka paangia ia ete mate katahi ka hoki kite kainga o tona papa ki "Waiomio ite mutunga o Oketopa kua taha ra, a i hemo ia ki reira i te 19 o Tihema nei—pouri rawa ana nga tangata ki tona matenga. I nehua ite 22 o Tihema. Ite 9 o nga haora ote ata ka amohia atu i "Waiomio kite tanumanga i te Kawakawa; he nui rawa nga Maori i haere i muri i te kawhena, i runga hoiho etahi, i raro ite whenua etahi. Itell o nga haora ka tae ki nga keringa waro te hunga arno ite tupapaku. Ka tukua mai te kareti mete tima hei to e nga kai-whakahaere 0 nga rua waro, ara a te "Wirernu raua ko Ronahana, e whakapaingia ana raua mo taua whakaaro. Ko te pere o te kura i whakatangihia tonutia tae noa te tupapaku kite tanumanga. Ka tae kite pu ote pikitanga kite tanumanga ka noho ki reira te hunga amo, ka whakariterite ano ito ratou maatua; ko te Rev. Matiu, minita Maori o Paihia, ki mua haere ai, ko Maihe Paraone Kawhiti me tona wahine, me Hirini Paraone me tona wahine, i muri e haere ana, he tokomaha hoki nga wahine Maori me nga tamariki e haere takirua ana i muri, ko o ratou kakahu i pai katoa. Muri iho i a ratou ko nga Pakeha tokomaha noa atu. Muri iho i a ratou ko nga Maori i runga hoiho, e 50 pea ratou ; hui katoa nga tangata ka 150 pea. Kate Rorikana, kai-whakaako kura i Waiomio, 1 whakarite te haere o te maatua o taua hunga nehu ite tupapaku. Ka tae kite tanumanga ka riro ite Rev. Matiu, minita Maori, te karakia o te Hahi o Ingarani mo te nehunga tupapaku, pai ana te mahi a taua minita, ata tataku marire ana ite kupu. Kaore kia kitea i tenei takiwa tetahi mahi peneirawa te pai o mua iho, i pai katoa te whakahaeretanga mete ahua o nga tangata katoa."
Permanent link to this item
https://paperspast.natlib.govt.nz/newspapers/WAKAM18760125.2.19
Bibliographic details
Waka Maori, Volume 12, Issue 2, 25 January 1876, Page 18
Word Count
471TE NEHUNGA O MAATA PARAONE KAWHITI. Waka Maori, Volume 12, Issue 2, 25 January 1876, Page 18
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in