KO TE TANGATA AKE ANO TE RANGATIRA O TONA KAIPUKE.
I roto o nga tangata haere i runga i tetahi tima o te National kapene, ko to Kuini te ingoa, i tetahi o ana rerenga mai i Niu laka ki Ingarani, kotahi te tangata, he Kapene ia no nga kai-tiaki o te takutai o New Jersey (he motu no Amerika), ko Paora Poitana tona ingoa, he kai ruku ia ite moana. Ka rere taua kaipuke nei a, tena pea kua tae kite 200 ki te 300 ranei maero a Niu laka ki muri i a ia—mehemea ka taea te whakapono nga mea katoa e rangona ana e te taringa—ka hiahia taua kapene Poitana kia rere kite moana kia kau atu ki Niu laka, kia kitea ai e ia te pai te kino ranei o tetahi kakuhu whakateretere, nana ano i mahi, a e tino whakopono ana hoki ia ka ora noa atu ia i taua mea. Erangi kihai te kapene o te tima i whakaae kia pera ia, notemea ki tana whakaaro he tino mahi whakamomori tera. Na, heoi kua kore taua nanakia ruku moana nei i tukua kia whiu ia ia kite moana. Kihai rawa taua tangata nei i pouri mo te pupuritanga ote kapene i a ia, haere ke ana kite whakatahuri mai i nga ngakau o nga tangata kite mea i hiahiatia ra eia te whakamatau. A kua whitu pea maero te mataratanga atu ote " Kuini" ite motu o Airani, ka tukua taua tangata ra e te kapene o te tima kia mea i tana i pai ai. Kihai ia i tatari mo te rangi mahana mo te moana marino ranei, engari no te 9 o nga haora o tetahi po pouri, mete hau nui e keri haere ana, ka rere ia kite moana. No te rerenga iho kokiri atu ana te tima ki mua, katahi ka karanga mai taua nanakia " Ora raiti kapene," heoi ngaro atu ki roto kite ngaru. Nui atu te miharo mete inanawapa o nga tangata o runga o te kaipuke ; otira kaore rawa te tangata toa e mate i te wai. No te ata ka tae ora ake taua kapene Poitana kite taone o Koaka (tetahi taone o te Airihi), ahakoa i kino rawa te ahua o te moana i tona rerenga iho, hei aha mana. Ite taima e oioi ana nga whare o Hanana, ko tenei tangata toa e kau haere ana i roto i te hau nui, koia anake kaore he hoa mona, me tona atua
e man ana ano ia ia E hapainga ake ana ia ete ngaru, a, ana tonu ake ka tukua ano kia rere kiraro • penei tonu a heoi kua alma huri kua hiaruaki taua tangata, otira kaore he tuari hei kawe oranga mai ki a ia! Tata rawa atu la kite akau kua kaha haere te nau—e tata ana ia maianei ki nga pari—a kia mohiotia ai te nui o te ngaru, ka eke ia kite taumata o te ngaru rite tonu raua te teitei me nga pari etu mai ana. Kaore i roa kua whiua ano ia ki raro 100 pea putu torere haere ai, he wai anake ki tenei tana ki tera taha, ki mua ki muri ia ia Ka whitu pea ona haora kite wai kua tae kite toru te kau maero te roa o tona kaunga katahi ka u kite kokorutanga o Kiperene. ISTo te taenga ki reira ka noatu ia 1 nga pukapuka ki roto kite potapeta, ko aua reta he mea homai na nga tangata o runga i te tima. Te take 1 whakaaturia ai tenei mahi nui a taiia tangata, kia kitea ai te pai o tenei tu kakahu. JSTotemea ma tenei e taea ai te mea ' ko te tangata ake ano tona kaipuke'—a hei aha mana te tima te aha ranei. Mehemea ka uru te tangata ki roto ki enei kakahu ka oti hoki te pupuhi kite hau kia ki ai, heoi kua kore rawa e totohu te tangata, ahakoa hiahia ia kia toremi kaore rawa e taea. Te tikanga ote mahi o taua mea, he mea wehewehe, he wahi ano tenei he wahi ano tera, a kite pakaru tenei wahi e kore e puta te wai ki era atu wahi. Ka taea ano ete tangata te whakatika mete hoe ia ia ano, notemea he hoe ano tana. Mehemea ka rere te tangata ki roto kite moana, e kore e mohiotia e whia ranei nga ra e hoe haere ana ia; no reira me kawe ano te tangata haere i tetahi kai mana. No konei hoki i kawea ai ete tangata he kai mana mo nga ra kotahi te rau. Erangi me hari ano ia i etahi atu mea hei oranga mona i era atu mate ote moana; notemea, tera pea iaia e haere ana ka eketia ia ete kaipuke, name tango ano ite rama ka whakamau kite mahunga kia kitea mai ai. Mehemea hoki ka hiahia ia kite korero pukapuka tera e taea, notemea e kiia ana e kawe ana ano te tangata haere pena i etahi pukapuka hei korero mana. Ko tetahi, tena pea ka tutaki ia kite mango, name tango ite toki mete maripi hei whawhai. Tetahi hoki he haki tana, a kite hiahia ia kite whakaara, heoi he whakaara kau tana. Mehemea ka hoha ia i te hoenga ka taea ano te whakatu i tona tera, ano he mea no te moana e rere haere ana.— He mea tango mai i roto i tetahi nupepa o tawahi.
Permanent link to this item
https://paperspast.natlib.govt.nz/newspapers/WAKAM18750525.2.11
Bibliographic details
Waka Maori, Volume 11, Issue 10, 25 May 1875, Page 106
Word Count
914KO TE TANGATA AKE ANO TE RANGATIRA O TONA KAIPUKE. Waka Maori, Volume 11, Issue 10, 25 May 1875, Page 106
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in