HE ORANGA-ITITANGA.
He manu nui te Ikara, kei etahi o nga kainga o luropi e noho ana—ko Amerika hoki tetahi nohoanga o taua manu. He manu nanakia rawa taua manu. Tana kai ko nga kuri pakupaku ote koraha; he mea nopu ki ona matikuku ka kahakina ki tona kolianga ki runga pari ki reira ata kai ai. He mea ano e kore e orate tamariki tangata nei i taua manu, hopu ai ano ki ona matikuku ka mau atu ki tona kohanga i runga maunga. Ka tuwhera nga parirau o taua manu he mea ano ka taea te tekau ma rua putu te whanui. No te ra i mua tonu ote KLirihimete 1 te tau 1868 ka kahakina e te Ikara tetahi tamaiti tane i te takiwa o Tenehi, ara he kainga kei tetahi o Porowini ote taha Tonga o Amerika. He tamaiti taua tamaiti katahi ano ka ako kite haere. No taua rangi ka ngoki haere atu ia kite marae i te roro ote whare o ona matua. Tera te Ikara e rere ana i runga, no te kitenga mai i te tamaiti ra katahi ka tuku whakarere mai ki raro, ka kapohia iho n P" a . k&hu 0 tamaiti ra ki ona matikuku, katahi ka liikitia atu ki runga ka whakaarorangi haere i runga tonu ake o nga rakau o te ngaherehere e tu ana i reira. Ka kite te kai hiki, he wahine, katahi ka rere ka whai haere ma roto i taua ngaherehere, ka ahu whaka-te-walii i rere ai te Ikara ra. Kotahi maero mete hawhe e haere ana taua wahine ra, mete oma tonu te haere, katahi ka puta ki tetahi parae iti marire, ko te tirohanga i titiro ai ki runga, aue ra! ko te manu ano tena e heke mai ana ki raro mete tamaiti ano i nga matikuku e mau tonu ana! Tau rawa iho te Ikara ra i te taha o tetahi awa paku i taua wahi parae. Tera te tangata e pupuhi manu ana i reira. Tupono marire te pakutanga o tana pu kite taunga iho ote manu ra; katahi ka oho, ka mahue te tamaiti, ka rere ki runga mangi ai i runga ake o te tamaiti ra, mete mea e mea ana kia tuku iho ano ki tana kai. Katahi ka hamama te waha o te wahine ra, raua ko te tangata ite pu, kite umere, mete puru ano te tangata i tana pu, katahi ka mataku te manu nanakia ra ka rere tonu atu, kaore hoki i hoki mai. Haere rawa atu raua kite tamaiti ra kaore tahi he mate—na ona kahu i ora ai i nga matikuku ote Ikara ra. Katahi ka hikitia taua tamaiti e te wahine ra ka whakamarie kia mutu te tangi, muri iho ka whakahokia kite kainga hei whakaharinga mo ona matua.
Permanent link to this item
https://paperspast.natlib.govt.nz/newspapers/WAKAM18750504.2.11
Bibliographic details
Waka Maori, Volume 11, Issue 9, 4 May 1875, Page 102
Word Count
470HE ORANGA-ITITANGA. Waka Maori, Volume 11, Issue 9, 4 May 1875, Page 102
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.