TE KURA O TE AUTE.

Waka Maori, Volume 11, Issue 6, 23 March 1875, Page 66

TE KURA O TE AUTE.

Ki a te Kai Tuhi o te Waka Maori. Te Aute, Nepia, Pepuere 12, 1875. E hoa, —Tena koe. Mau e uta atu tenei reta aku ki runga i e Waka hei titiro ma nga hoa i te motu nei. Ko te take o toku haere mai ki tenei kainga he haere mai kia kite i aku tamariki kua tukua mai ki te kura ite Aute nei He nui toku koa ki nga mea i kite ai i rongo ai oku taringa; koia tenei, ko te paru-kore o nga tamariki, te ma o nga kakahu, te pai o nga moenga,. he moenga rino, mete pai ote kai. E kai ana ratou i runga teepu, me nga ritenga Pakeha ano e tangohia ana e ratou. E akona ana ratou kite whika, kite reo Ingarihi, ki nga Karaipiture Pakeha. Ka pai—" Ko te wehi ki a Ihowa te timatanga o te matauranga." Ko tetahi tikanga pai tenei, ara e uru ana nga tamariki Pakeha ki taua kura, a e korerorero ana ratou, tetahi ki tetahi, me te mea hetamariki no te iwi kotahi. Tetahi hold o aku i mihi ai, ko te kaha o te kai-whakaako; heoi ano te takiwa okioki ko te kai ko te moenga. Ka mea an, e, mehemea pea ko taku tamarikitanga, ka hiahia au kia uru rawa au ki tenei kura. Ko nga tamariki kei tenei kura, no Tokomaru 1; no Uawa 12; no Turanga 3; no Te Wairoa 3; no Nepia 3 —hui katoa 22. I korero Pakeha ano ratou i toku aroaro ; ka mea au he parau, he mea kia maharaai nga manuhiri he tika, he korero Pakeha ano tenei. Auatu ra; ite puku ote taringa ka ki, ite puku o nga kanohi hoki ka ngata. He kupu ano tenei naku. He mea pai rawa kia kawea atu nga tamariki ki etahi kura, kia 200 maero te mamao i tona whenua, kei noho i te kura o tona kainga ka mahue te kura ka oma ki ona matua, ki ona tupuna. Tena ko te whenua tangata ke, kei hea he rerenga mo papa ? Na Te Paki te Amaru, o Uawa, Tai Eawhiti.

Ki a te Kai Tuld o te Waha Maori. "Whanganui, Maehe, 1875. E hoa,*—l te 31 o nga ra o Tihema, 1874, ka liaere ta matou ope nui kite takiwa ki Tongariro. -I haere atu i etahi kainga i Whanganui nei; te take lie whakaatu atu i a matou whenua ki nga uri. Ka rua o matou po kite ara ka tae kite Aukawa. I konei ka mahue nga hoiho, ka haere a waewae. E ono nga po ite huanui ka tae ki Whakapipi. Ite 9 o nga ra o Hanuere ka wehewehea ta matou haere; ka haere a Te Heimana me tona huilmi ki Rangataua, ka haere a Te Kerei me tona huihui ki Baketawa, otira ki nga wahi katoa o Tongariro. Ka haere ko matou ki Waipuna, kite Hihi, kite titiro i nga whave o mua, me nga rakau waka, me nga tutu, me

nga wai here manu. Ka haere a Whikitoro te Wehi ko 1a anake, na Whakapipi. Ka rere atu te tamahme, a Merania, kite whai kite tono kia hoki mai ia otira kaore ia i rongo ; i ki mai me haere ia na taua ara aka puta atu ia kite rori nui. Heoi, hoatu ana e Merania nga taewa kotahi te kau, haere atu ana ia hoki mai ana a Merania ki a matou. E torn o inatou po kite ara ka puta mai matou kite rori nui, otira kaore 1 kitea a Whikitoro. Ka haere ano matou ki te kimi, kaore 1 kitea. Muri iho ka ki mai tetahi poropiti teka, ko Pateriki te ingoa, kaore i mate a "Whikitoro, ka ki mai me haere ano nga tangata kite kimi, mana hoki e tuku tetahi Ruru o te ngaherehere hei arahi i te hunga kimi. Katahi ka° haere ko Menehira, me Rotohiko, me etahi atu, kite kimi ano; otira i ngenge kau ratou i te haerenga, kaore i kitea, hoki kau mai ana ratou. Heoi, kua mohio matou kua mate ia. He rangatira ano taua tangata, he nui ona whanaunga i roto i Ngatiruaka. Tokotoru ona tamariki e ora nei, he wahine anake. He kupu tenei ki nga tangata o Whakapipi, o Waikoukou, o Eaketawa, o Aramaire, o Purutaka, te Eanga-a-Kauika, Puhipuhi, Waipuna, te Hi hi, tae noa ki Hararawa i raro o Turi-o-te-Whakaheke, aua e kainga nga poaka o aua whenua. Mehemea i kitea a "Whikitoro, penei kua pai; ko tenei kua ngaro tonu atu, kua pau i te poaka. Na Rest Hemoata.