HE KORERO NEHERA NO RAIPU.
He korero tenei i tangohia mai i roto i tetahi pukapuka korero i nga mahi Mihinere i Raipu—he mea tuhi na te Rev. S. Makeparana. Ko Raipu tetahi o nga motu e huaina ana ko nga Raaiati Aereni; a e ono te kaii maero, kite taha whakarua, te mataratanga atu o taua motu i tetahi motu nui e huaina ana ko Niu Karetonia (kua nohoia inaianei e te Wi Wi), te mataratanga atu i Niu Tirani ka 1,400 maero kite taha nota. He korero tukunga iho no mua taua korero na nga tupuna o nga tangata Maori o Raipu. Ko te ahua o taua korero he nui te rite kite korero i roto i te Paipera mo Arama raua ko Iwi i roto i te Elari ki Erene, ara; — " Kaore e mohio nga tangata o taua motu kite timatanga, ara kite putake, ote tangata tuatahi. Heoi ta ratou e mohio ana ko Warerimene tona ingoa; he wahine ano tona, he tamariki tane hoki a ana; ko tona noho he noho i runga ite rangimarietanga mete ora nui, ite hua ote kai. I taua takiwa kaore he mamae kaore he mate o te tangata; kaore e ngaki ana i te kai, no te mea he mea tupu noa te kai, he huhua noa iho. Ko aua tamariki tane a "Warerimene he mohio anake kite whaka-kuri i a ratou, kite whaka-manu, kite whaka-ngarara hoki, ki ta ratou i pai ai. " I tetahi rangi ka whaka-kiore te tama a taua kaumatua i a ia, ka haere kite kimi kai reka mana. Katahi ka keria eia he ara mona ki roto kite whenua; ka keri haere tonu, aua atu ana ki raro, puta noa ki te kainga o tetahi koroheke, ara ko te rangatira o te Reinga. Te kai a taua koroheke he lama, ara he uwhikaho, he taro ia e ahua rite ana kite kumara, he kore taua kai ki Raipu i taua takiwa. Eli hai i homaitaua kai e te koroheke ra ki taua tangata, he kai ke i homai ai. Ka tonoa e te tamaiti ra kia homai mana etahi, kia rongo ia kite reka; katahi ka ki mai te koroheke ra he kai rangatira taua kai, kite kainga eia ka mate ia. Ki hai i whakapono te tama o "Warerimene ki tenei. Katahi ka whanakotia mai eia tetahi, ka hoki ake ki runga kite whenua. Ite huanui ka kai ia i tetahi wahi o taua kai, kitea ana he reka rawa. Te taenga mai kite kainga ka korero ia ki tetahi o ona teina tona haerenga kite kainga ote koroheke ra. Ka whakamatau tona teina kite reka o taua kai, ka whakamiharo noa kite pai ote kai ra. Katahi ka haere raua ki to raua matua, ka whakamatau hoki ia. me tona whanau katoa ki taua kai, a koa katoa ana ratou kite pai o taua kai hou ra. Katahi ka whakaritea kia haere topu katoa aua tamariki kite whanako mai i etahi o aua uwhikaho hei tiri ki runga kite whenua, ki Raipu, kia hua ai taua kai pai ma ratou. Katahi ka haere ratou, engari ki hai ratou i puta kua kitea ete koroheke ra. Katahi ka riria ratou e ia; ka ki mai, ko tenei kua tangohia nei e ratou ona uwhikaho, me kiko tangata he kai mana mo muri iho. Me uru ko te mate ki Raipu kia whai oranga ia. " Katahi ka ki aua tangata o Raipu kia hoatu tonu e ratou he kiko tangata ki taua koroheke hei utu uwhikaho ma ratou ; a, i tenei rangi rawa ano, ko etahi o nga kaumatua o taua whenua e ki ana kei nga tau hua te uwhikaho ka nui te mate, ko taua koroheke hoki, e ai ki ta ratou, e tohe ana kia nui he kiko tangata mana mo ana uwhikaho ka hua te tupu. Ko te wa tena i timata ai te mahi a te tangata, he ngaki hoki i te uwhikaho, me etahi atu kai katoa, no te mea kua mutu i reira ai te tupu noa o te kai pera me mua, heoi te mea i tupu noa he otaota noa iho. Na, ko te take tenei o te homaitanga o ta ratou tino oranga, ara o te uwhikaho ; i haere tahi mai taua kai mete mahi mete mate." Akuanei kitea ai e o matou hoa Maori te rite o te korero i runga ra kite kupu ate Atua ki a Arama, ara: —" Ko te rakau ia ote matauranga kite pai ki
te kmo, kaua e kainga tetahi o ona hua ; ta te mea hoki ko te ra e kai ai koe i tetahi o ona hua, ka mate koe, mate rawa." Tetahi hoki:—" Mo to rongonga kite reo oto wahine, mo to kainga hoki ite hua & o te rakau i kiia atu e ahau ki a koe, i meatia atu, Kaua e kainga etahi o ona hua ; ka oti te oneone te kanga mo to mahi; ka kainga e koe ona hua i roto i te mamae i nga ra katoa e ora ai koe; he tataramoa ano hoki, he tumatakuru ana e whakatupu ake ai mau; a ka kai koe i te otaota o te parae; ma te werawera ano o tou mata e kai ai koe i te taro, a hokinoa koe kite oneone; i tangohia mai nei hoki koe i reira; he puehu hoki koe, a ka hoki ano kite puehu."
Permanent link to this item
https://paperspast.natlib.govt.nz/newspapers/WAKAM18740630.2.9
Bibliographic details
Waka Maori, Volume 10, Issue 13, 30 June 1874, Page 162
Word Count
908HE KORERO NEHERA NO RAIPU. Waka Maori, Volume 10, Issue 13, 30 June 1874, Page 162
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in