HE WHARANGI TU WHERA.
Ko nga Pakeha matau kite Reo Maori e tuhi mai ana ki tenei nupepa me tuhi mai a ratou reta ki nga reo e rua—te reo Maori mete reo Pakeha ano. Ki a te Kai Tuhi o te Waka Maori. Hotereni, Hauraki, Pepuere, 1874. E hoa. —Tenakoe, i a koe e mahi tonu nei kite panui i nga whakaaro o nga kai tuku korero hei utanga mo runga i to tatou waka, kua karangatia nei, ko te WaJca Maori o Niu Tirani—ara ko te kai kawe i nga whakaaro me nga korero a nga tangata katoa o o tatou motu. Na kona rawa tatou nga iwi oenei motu i kiia ai he iwi kotahi. "Whiti atu ana ki tera motu o to tatou Koroni, rnei kore to tatou takawaenga, ta tatou nupepa, penei kua kore tatou e tatatata ki a tatou. JNa ta taiou nupepa rawa tatou i whakatata i tata ai tatou i a tatou whai kie wliai ki nei tatou i roto i ta tatou nupepa. IS a, kei te whakamiharo ahau kite whakaaro rangatira o Whanganui, me era atu iwi o te motu nei, e hapai nei,, e hanga nei, i tenei nupepa. E hoa ma, e kore ahau e whakama kite whaki ake i taku he, ito tenei moana, ito Hauraki. Eere ! Ki tonu te Pohitapeta o Hauraki, i teputangamai o nga meera, i nga nupepa o te WaJca Maori e tukua mai ana ki nga rangatira o tenei takiwa ; wharara ana te tuara o te kai waha mai i aua nupepa nei ki Hotereni. Heoti, kaore ano tetahi o nga ingoa o nga tangata ki a ratou nei aua nupepa i kitea noatia ki roto i nga rarangi ingoa o te hunga e utu ana i nga nupepa ki a ratou. Heoi anake, ko te ingoa o tetahi kaumatua rangatira, o Maihi te Hinaki o "Whitiangn, o te taha kite tai rawhiti o Hauraki. IS a, e hara taku tuhituhi i te mea kia kaua a ratou nupepa e tukua mai ki a ratou ; engari e whaki ana au i te whakaaro o enei nga rangatira e kore nei e hapai tahi i tenei taonga nui e tukua mai ana ki a tatou, e hapai nei nga tangata o Whanganui. He taonga takawaenga te nupepa i waenganui o nga iwi mohio katoa ote ao. JSFate nupepa hokii waenganui i nga iwi Pakeha i tatatata ai nga tangata o tetehi koroni ki o tetehi atu koroni, o tetehi rangatiratanga ki o tetahi atu rangatiratanga. He mea pai ano tenei reta aku hei mea e whai mahara ake ai nga tangata e whiwhi ana i tenei nupepa kite utu i a ratou nupepa. E whakawhetai ana ahau kite w r hakaaro pai, mohio, rangatira, ano hoki o "Whanganui me ona rangatira mo to ratou ahu nui kite hanga ite Waka. E tika ana kia whai etahi i te tauira kua takoto i a ratou. * * * * * Hoani Naiie.
[Kua whakarerea e matou nga korero whakamutunga o te reta a Hoani, no te mea e whakaaro ana matou he korero hara ia ki etahi atu iwi, he korero e pouri ai ratou. He tangata mohio a Hoani. Akuanei ia kite ai, lei te ata whakaaro ia, he mea tika kia kore aua tu korero e utaina ki tenei WaJca, no te mea ko tona tikanga o tenei nupepa ko te ako matauranga, ko te oranga, ko te kotahitanga o nga iwi, mete whakatupu ite whakaaro aroha i roto i a ratou].
Ki a te Kai Tuhi o te WaTca Maori. Nepia, Pepuere 15, 1874. E hoa, —Tenakoe. Me tuku e koe tenei reta kite Walca Maori. E whakatika ana au ki nga reta a Horomona Hapai raua ko Hori "Waiti, me a raua whakaaro mo nga korero at te Pokiha raua ko Hare E-eweti, mo te kino o tenei kai, te waipiro, me nga tini he epa mai ana kite tinana ote tangata i runga ite kainga i taua kai. Ko taku kupu ano tenei i mua, a tae noa mai ki tenei ra, kia purua taua kai, kia whakamutua tona mahinga,kia herea nga kai main. Kaore hoki kia mohiotia he tikanga o te kainga hei kai. Mehemea hei hinu ka popotia kite upoko, mo te tinana ranei, mo nga waewae ranei, ka kawea ano ki reira. He iwi kino nga tangata o Tokomaru i mua kite kai waipiro; inaianei ka nui te pai, ka mahue i a ratou te kai waipiro, a ka toe te rau pauna a Hori "Waiti a mua ake nei hei hoko taonga mona. Katahi ano ka kore e pa mai ki a ratou a mua atu nga mate i mate ai ratou i mua ai. Ki taku mahara hoki e kore e taea te whakamutu ite mahinga o tenei kai, o te waipiro; e kore ano hoki e taea he ture hei arai atu i te hoko, no te mea hoki kei te kai katoa nga tangata nunui o te ao i tenei kai kino. Ka kite ano au i nga taone katoa ko nga whare nunui papai, e mahia ana hei hoko i taua mea kino nei. Koia au i mahara ai e kore e taea te arai atu. Heoi ano te arai pai ko ta Horomona Hapai raua ko Hori Waiti —me arai i o raua ake tinana. Na Henake Potae. [E tika ana ta Henare Potae. Mehemea ka araitia tenei hanga mate e nga tangata katoa atu, ia tangata, ia tangata, i tona tinana ake, hei reira te mutu ai to tatou kitenga i nga rori katoa o a tatou taoae e tu ana era tu whare nunui, papai, i hangaia hei hokohoko i taua mea kua waihotia hei kanga mo te tangata —hei rore ataahua aua whare hei hopo i te tauhou. Kia mohio koutou, ko ia tangata ko ia tangata e whakatakoto ana he tauira kore e kai i te waipiro i tona tinana ake ano, e hara tana i te mea e pai ai ko ia anake ano, engari he hapai tikanga tana e ora ai, ehari ai, e tika ai, ona hoa tangata katoa atu.]
Ki a Te Kaz Tulii o te Wolca Maori. "Whanganui-a-Tara, Pepuere 18, 1874. E hoa., —Tenakoe. Man tenei e uta ki runga ki to tatou Walca. Kua wha te kau oku tau i noho ai au i tenei motu. I whanau a hau i Niu Tirani nei, a ahakoa he Pakeha au, kua tangatamaoritia i te roa o - taku rioho ki waenga o nga tangata Maori. Ko taku kupu tenei. Katahi au ka kite ite tino aroha ote Kawanatanga ki nga iwi Maori; ko te aroha tenei, ko te tuku haere i te Walca Maori ki nga iwi i nea -warn tawhiti o enei motu, kaore he wahi e kapea ana. Kei nga wahi katoa e nohoia ana e te tangata, ahakoa he kaumatua ruarua pea, tera te waka te hoe mai ra ; wherahia ake, ka kitea nga tini korero hei ako i te tangata, hei arahi atu ia ia kite mohiotanga. Tena
nga kupu mo Niu Tirani nei, nga kupu ano hold mo nga whenua ngaro. E hoa, ete Kai Tuhi, tena koe. Kia kaha koe i runga 1 to main uta i to tatou waka, kiamohio ai nga tangataMaori ki nga mea e ngaro ana ki a ratou maianei. Na to hoa, Te Peka.
Permanent link to this item
https://paperspast.natlib.govt.nz/newspapers/WAKAM18740310.2.11
Bibliographic details
Waka Maori, Volume 10, Issue 5, 10 March 1874, Page 65
Word Count
1,228HE WHARANGI TUWHERA. Waka Maori, Volume 10, Issue 5, 10 March 1874, Page 65
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.