NGA MAHI A WAIKATO.
Te Kuiti, Hanuere 8, 1871. Ki a te Poihipi. E koro tenakoe. Whakarongo mai ki taku kupu ki a koe mo te rori. Me mutu, me mutu, me mutu. Whakarongo mai. E tatari atu ana i a korua ko to ariki mo taku. Mehemea koia tena, e pai ana. Na MANGA.
Puketarata, Hanuere 10,1871. Ki a mangai Rewi Maniapoto. E hoa tena ra koe. Kua tae mai to pukapuka ki a au e ki nei kia whakamutua ta matou mahi i te rori ki Taupo, me to kupu hoki e ki mai na kei te noho tatari mai koe ki a maua ko taku ariki ko te pakeha. Tenei ta matou kupu whakahoki atu mo o kupu. Kaore e pai kia mutu te mahi i nga rori o te Kuini ki nga wahi o Taupo ahu atu ki nga taone katoa. Mo tau e ki mai na kei te noho tatari mai koe ki a matou ko to matou ariki ko te pakeha. E hoa kahore te pakeha e hohoro kite riri, engari kei te ata tono marire i nga tangata kohuru kia homai kia ata whakawhakia kite ritenga ote Ture. Heoi tena kupu. Tenei ta matou kupu. Kaua he ritenga mau kite rohe o Taupo nei; engari ko te rohe atu ki a koe, ka tiraata atu i Arowhenua, Wharepukunga, rere tonu Maraeroa, Tuhua Te Rongoroa, puta noa ki Whanganui. Ko tua na o tenei rohe kei a koe, ko tua nei o taua rohe kei au me nga rangatira o Taupo e piri nei
kite taha pakeha, e whakahaere ne i nga tikanga mo te pai ki tene whenua ki Taupo. Ka mutu enei kupu a matou. He tono atu tenei na raatou ki a koe. Homai nga tangata nana i kohuru a Manukau ki Pirongia. Me homai kite ringaringa o te pakeha kia whakawakia mariretia kite ritenga o te Ture kia marama ai tena mahi kohuru. Ka mutu ena kupu. Ko tenei e hoa kaore he kupu mau ki Taupo nei. Ta te mea he tangata hara nui hoki koe. Nau a te Kooti i kukume mai ka tae mai ki Taupo—koia ka mate nga tangata o Taupo. Ko tenei e hoa kei a matou ano kei nga rangatira o Taupo he tikanga mo nga whakaliaere mo nga mahi ki tenei whenua —mo te hoko ranei kite pakeha, mo te kore ranei; mo nga rori ranei kia kore e karia, kia karia ranei. Ko ta matou kupu ki a koe, me waiho atu he ritenga mau ki to wahi ki Waikato. Kaore hoki koe i tata ki tenei wahi ki Taupo nei. Heoi ano a matou kupu ki a koe. Na te Poiiiipi Tukairangi, na Hoiiepa Tamamutu, na Keweti te Kume, na Pauiuni te Rangimonehunehu, na te Heu Heu Tukino, na Hare Tauteka. [E pai ana nga kupu whakahoki a nga rangatira o Taupo. E tika ana kia waiho i a ratou te ritenga mo to ratou kainga. He poka noa mai te mahi a Rewi kite kainga o te tangata. Ko te rori e ki nei a Rewi ko te rori e mahia atu ana i Tapuaeharuru haere atu ko te Niho-o-te-Kiore i te awa o Waikato. Tera atu nga rori e mahia ana ki taua kainga. Ko te huarahi atu i Nepia ka tata te oti; ekore e roa ka haere nga koti me nga terei—kai te haere ano te terei mete kotiitetahi wahi o Taupo inaianei ano. Tena ano tetahi rori ka mahia mai i Tapuaeharuru haere mai ki Tokaanu. Hei te Rotoaire ka tutaki tenei rori
Id te rori e mahia mai ana i Whanganui Id Patea. Kia oti nga rori katoa akuanei ka taka a Tapuaeharuru ki waenganui pu; ko tetutukitanga hold tena mo aua rori katoa—nga rori e anga ana ki Akarana, ki Tauranga, ki Whanganui, ki Nepia, ki Po Neke hold. Tena, e taea ranei e Rewi te whakakuti ?]
Permanent link to this item
https://paperspast.natlib.govt.nz/newspapers/WAKAM18710209.2.3
Bibliographic details
Waka Maori, Volume VII, Issue 2, 9 February 1871, Page 7
Word Count
653NGA MAHI A WAIKATO. Waka Maori, Volume VII, Issue 2, 9 February 1871, Page 7
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in