Fakaigati Tagata

Mana (Auckland), Volume 1, Issue 11, 24 November 1977, Page 4

Fakaigati Tagata

Ko e fakatonuaga nei ke lagomatai aki a koe mo e tau magafaoa haau poke tau kapitiga haau, ka eke kua fai tagata kua fakae hiehi mo e vihiatia a koe ha ko e tagata atu motu, poke kili he tino haau, poke motu ne tupu po ke hau ai a koe: kua pehe ai ka liliu faka-Pelitania ko e Racial Discrimination. To nakai katoatoa oti he fakamaama fakamatafeiga atu he tohi talahau nei. Kaeke kua manako a koe ke fakamakutu atu e tau fakamaamaaga ti mitaki lahi ni ke fina atu a koe ke he fale fakatonu fekau he maaga haau ne higoa ko e Citizens’ Advice Bureau, poke fano ke atu e koe, poke tohi poke atu e koe, po te tohi, poke fina atu fakahako a koe ke he ofisa he Race Relations i Okalana he Y.W.C.A. Building, 385 Queen Street, telefoni 71-295 mo e 74-060. Ko e fakaigati tagata kia ko e totoko ke he la fakatufono? Olatia lahi e tau puhala kua talahaua hala ke he vaha nei, ha ko e la fakatufono ne haihai ai ke he tau 1971 ne fakahigoa ko e Race Relations Act 1971. Kua talahaua hala e fakaigati tagata kaeke kua nakai fakaata a koe ke hu atu ke he: — tau fale kua fakaataina ke he tau tagata oti, tau motoka mo e tau pati laupatete mo e ha ha i ai foki falu a mena kehekehe; — ko e foakiaga koloa, tau gahua kehekehe poke tau mena ne talaga he tagata tufuga koloa, kua lamakai e ia nakai fakafua atu ki a koe; — fonua, kaina mohe totogi tupe mo e tau fale gahua; — gahuaaga. Kua fakahagaao e haihaiaga he Fakatufono nei ke he ha tagata kua lamakai. e foakiaga he tau mena na — tuga pehe kua lamakai he tagata ho kaina e fale totogi ai age ke nofo ai e tagata Polinesia. Fakahagaao foki e fakatufono ke he tau mena ia ka foaki ka e nakai maopoopo e fakaveaga, ke fakamaama aki, ke tau uka e totogi he fale po kua fakakehe pauaki ha ko e tau tagata omai. Ka e kua e tau potopotoaga ne higoa ko e tau Kalapu (Clubs)? Nakai puipui he fakatufono nei ha tagata atu motu ka manako ke fakatu

taha kautaha, poke ha potaaga he tau tagata mai he taha ni e motu ne o mai ai. Fakahagaao nakai e Fakatufono nei ke he tau tagata motu kehe oti ne nonofo i Niu Silani? E, fakahagaao tonu. Ko e fakatufono nei, nakai ni fakahagaao ke he fakaigatiaga he tau Maori po ke tau Aelani mai he Pasifika ka e pihia foki ke he tau tagata motu kehe oti. Ke fakamaama aki, ko e hala ke fakaigati e foakiaga ke he tagata ha ko ia — — ko e Initia (race) — ko e tagata uli (colour) — ko e tagata Pelitania (national origin) — ko e tagata Asia (ethnic origin). Aofia nakai e tau Faahi Gahua Kehekehe he Fakatufono ke he Fakatufono nei? E, putoia foki ka e ta atu e hokotaki haau ke he Ombudsman poke Race Relations Conciliator. Aofia nakai e tau tauteaga kehekehe ma e tau Maori mo e falu tagata foki? Nakai. Ko e tau fakaveaga tuga e Maori Electorates, Maori Land Courts, mo e Maori Education Foundation, nakai aofia ha ko e Fakatufono nei. Ko e heigoa haaku ke taute ka manatu au kua fakavihia, he faoa au ha ko e fakaigati i tagata? Hokotaki e koe ke he Race Relations Conciliator, ko ia ko e tagata kua kotofai he Fakatufono ke filili e tau hokotaki ha ko e fakatufono. Talaage fakahako ki a ia e tau mena oti ne tutupu ki a koe. Ko e puhala ke taute aki c hokotaki haau, telefoni atui poke tohi atu poke fina atui tino ke he ofisa he Conciliator. Ka nofo a koe ii Okalana ti fina atu ke tutala, ki a ia. Manatu nakai fai tupe a koe ke totogi. Toka i fe e Ofisa he Conciliator? Ha ha he Y.W.C.A. Building, 385 Queen Street,. Auckland. Telefoni numeral 71-295 poke 74-060. Kuai maeke foki a koe ke ta e: hokotaki haau ke he' Fakafiliaga (Magistrate's. Court poke Supreme Court)) to fakafano e faoa ia ke he 1 ofisa he Conciliator. Manatu kaeke kua manako' a koe ke moua foki falu ai fakatonuaga poke: fakamaamaaga ke he: fakatufono nei, kumi atu ke: he ofisa na i luga.