Opati tauturu

Mana (Auckland), Volume 1, Issue 10, 10 November 1977, Page 7

Opati tauturu

(i te iti tangata Kuki Airani i Rarotonga)

E maata te au atu enua i Rarotonga, i te Kuki Airani, tei roko ia e tetai au manamanata. E maata oki taua au manamanata nei., Te vai nei te au enua tei tika ia kia noo ia e tetai atu au tangata ke mai, e ka tutaki oki ratou i tei reira, e oti ake ra kua rave taua au tangata nei i taua au enua nei e kua oronga atu ki tetai au tangata ke atu ma te rave mai i tetai au

tutakianga moni ko tei maata atu i ta ratou e tutaki nei kite au atu enua. Kua riro i reira te ia akonoanga ei akaonoanga kimi moni na ratou, e kare atu nei te au atu enua e kai meitaki i te meitaki o to ratou tikai au enua. Te vai katoa nei tetai au tangata mei te ia te tu e ko to ratou au ngai kare e meitaki rava ana ko ia oki kare ratou e tutaki vave ana i te moni ta ratou i

koreromotu no te tutaki i tetai au atianga tau ia ratou e te au atu enua. Te vai katoa nei tetai au atu enua tei inangaro kia oronga atu i tetai o to ratou au enua ki tetai au tangata ke ei nooanga no taua au tangata nei na roto ra oki i te ritianga (leasing) i tei reira. Kare ra oki ratou i tetai au tuatau e tika ia kia rave i tei reira mari ua kia tika rava ia mai i tetai o te au kumiti riti enua. ta te kavamani i akatupu ei mono i te akavaanga enua. Ko tetai ua te ia o te au manamanata ta to tatou iti tangata e aravei nei i to tatou pa enua Kuki Airani. E no taua au tu nei kua manako te au roia (lawyers) i reira i te akatupu i tetai taokotaianga no ratou no te tauturu i to tatou iti tangata maori i te Kuki Airani. Kua kapiki ratou i taua opati nei ko te “Cook Islands Legal Advice Bureau” (ko ia oki ko te opati no te tauturu atu i tetai ua atu tangata me e manamanata tona i raro ake i te au ture enua, e tetai ua atu au ture ke te ka riro ei akatumatetenga ia tatou te iti tangata). Kare te ia opati e tutaki ia. Kare koe e tutaki ia ratou no to ratou tuatau i tauturu ei ia koe i toou manamanata enua. Kua riro te ia ei mea pumaana kite iti tangata Kuki Airani. I te ia aura nei te oro nei te tangata ki ko nei i te ia opati nei no te pati atu i tetai au tauturu. Te riro nei ra oki te ia ei akaari mai ki te iti tangata Kuki Airani i tetai au mea taukore ta tetai au tangata i rave ana. Ko te kavamani katoa tetai i roto i taua au angaanga tarevake nei. Kia uiui atu te Mana i tetai o te au tangata tei aere atu ana ki taua opati nei kua akapapu mai ratou e eau moni riti enua tetai ta te. kavamani i riti ana e kare ake rai i tutaki ia, e kua topa tetai au mataiti ki muri. mei te a kite ono mataiti. Peni ko tetai tumu te ia i manako ei te kavamani i te takore i te opati o te akavaanga ture enua. Te au roia (lawyers) i roto i taua opati nei ko Papa laveta. Short, ko Papa Ben Tylor, ko Papa Vincent Ingram e pera paa a Papa Trevor Clarke.