Faitio i le taugata o Meamata

Mana (Auckland), Volume 1, Issue 10, 10 November 1977, Page 3

Faitio i le taugata o Meamata

Ua tele ie oi ma le mafatia o tagata atumotu i luga i Aukilani nei ona o le taugata ma le si’i maualuga o tau o meamata ua iai nei pei o talo, ufi ma ta’amu.

O sui mai atumotu ta’itasi e iai Samoa, Niue, Toga, Atu Kuki ma To’elau, ua latou fa’ato'ai nei se faitioga i le ofisa o fe fa’ataua’iga ona o le si’i maualuga o tau o meamata talu ai nei, 'ae maise laVa fua o fa’ato’aga mai atumotu o lo'o fa’atau i totonu o Niu Sila.

Na ta'ua i lenei faitioga na tu’uina atu i le_ofisa o fe fa’ataua'iga, le taua tele o talo, ufi ma fa’i i a tatou mea fai, 'ae maise ai lava le fa'a aogaina i mea taumafa. Sa talosagaina e sui mai atumotu le ofisa o Fale faigaluega ma fe fa’ataua’iga, ina ia

su’esu'eina ia tau, ma ia tu’uina ni tau fuafuaina i talo ma ufi, pei ona faia nei i fa’i.

O se tasi o tala a lenej mau, “Matou te le matua malamalama, pe ’aisea ua oso maualuga ai le tau o talo i le. 90sene i le pauna mai le 45sene sa iai i nai vaiaso fa'atoa te’a atu nei.” Faimai fo’i ia sui, ”0 le isi mea ua sili ona fa’ate’ia ai tagata, ua mautinoa, o tiapula o lo’o pipi’i i le talo, ua 'u’umi tele, o lona uiga o lo’o alu ai fo’i tupe i tiapula ’ae le 'aina. Matou te manatua se finauga sa fai talu ai, mafua i pateta e 'aumai i le maketi o pipi’i ai palapala. O le a la le mea o le a matou fa'ataua mai ai tiapula- e le 'aina ma maumau ai tupe? E le afaina le tiapula e na o le 2 senitimita, 'ae afai o se tiapula e 10 sinitimita le tele, o le tele fo’i lena o tupe maumau.

O le nei faitioga ma le savali na tu’uina atu e sui mai atumotu i le ofisa o Fale Faigaluega ma fe fa’ataua'iga, ua le talia ina e lea ofisa le mana’o o le savali.

O le tali mai le ofisa fai mai. “O le talo e le ola i totonu o Niu Sila, o le mea lea o talo "uma e fa’atau ina i totonu o Niu Sila, e 'auina mai atunu’u i fafo, o le tele o talo o lo'o sapalai mai Samoa, Tonga ma Fiti e na o se vaega la’ititi o lo'o

maua mai i Solomona ma le Atu Kuki.” “Ona o le tele o mugala i atumotu i le 6 masina a te’a nei, o le mafua’aga lea o le tau le maua o ni talo i fale’oloa i totonu o le 3 masina na te'a nei. O uta a va’a, o fa’i Ecuador e masani ona taunu'u mai i Aukilani o mata ma lelei mo le fa’a aogaina. 1 nai masina na fa'atoa te’a atu nei, e taunu’u mai ua aga’i ina ai ona ua pula ma le taulia, o le ala lena o le taugata o tau o talo. Fai mai le lipoti a lea ofisa, o uta talo na ’aumai i va’a a lalo i totonu o le tolu masina na te’a nei na tele i le fa’a le lelei, a’o nisi fo’i pusa sa lelei, taju ai la le tele o pusa fa’a le lelei, o le ala lena o le maualuga o tau o talo ma sa fa’atauina ai i le fa’atautu’i i le ta’i $2O e o'o atu i le ta’i $37 i le pusa, a’o pusa fa’a le lelei, sa fa’atauina atu i le $2 i le $3 i le pusa. “O nisi o uta talu ai nei na ’auina mai va’alele mai

Fiti, e fai si taugofie o talo ia ai Io talo Samoa. E ’auina mai i taga pepa ’i’ila tusa ma le 22 Kilo, Ua mautinoa o lo’o fa’atauina atu ia talo i fa’atau tu’i i le $27 i le taga.” Fai mai fo’i le ofisa, “O tau o lo’o fa’atau atu ai e faleoloa o lo’o maulalo tele. O tau o talo ua sili lea ona maualuga i tau o isi mea fa’atau i Aukilani i le oso mai le 45sene i le 95sene i le pauna. O le mea masani lava i fale’oloa, o le fa’atau pusa po’o taga fo’i. O talo fo’i mai Samoa, ma Fiti o lo’o fa’a-tauina atu i Tahiti, Hawai’i U.S. ma Venikuva, ma o lo’o maua mai ai le tau lelei. E le masalomia, o le mafua’aga lea ua afaina ai uta mo Niu Sila. O le ala e mana’omia ai le tiapula, ina ia fa’a’umi’umi ai ona lelei pea le talo i le taimi o fe la’uaiga, ona o ni uta muamua e taunu'u mai ua tele i le leaga ma pala ona ua ieai ni tiapula i mata o talo” o le fa’amatalaga lena mai le ofisa.