Muhammad Ali
Kua amaamanaki ke kitia he ata kifaga ke he toa taumoto ko Muhammad Ali he tau aho gahoa e i mua. Ko e higoa fakamua haana ko Cassiu Clay po ko Kelei he fai talahau e tautolu. Ti kua uiina atu nei ke he tau tagata oti (tau fanau ke hoko ke he tau momotua) kua manako ke hu mai ke he siviaga tohi tala fetoko hagaao atu ke he toa po ke samupiani taumoto he lalolagi ko Muhammad Ali. Ko e mena ke taute hanei kaeke kua manako a koe ke hu mai ke he siviaga tohi tala fetoko nei — Tohi mai taha tala ke he ‘Mana’ hagaao ke he toa taumoto nei ko Ali. Pule ni a koe ke he puhala ke tohi aki e tala haau ko e tohi fakafeki, tohi fakahakehake, tohi fakafiafia, tohi fakavaia ki a lautolu ne kaumahala he tau mo ia, tohi fakafiufiu poke ha e fe foki e puhala kua manatu a koe ke tohi aki e tala haau. Ka taha poke ua e laupepa loloa he lahi he tala kua lata tei. Maeke foki ke tohi a koe po kua lata nakai ke okioki e toa nei he mogonei ne nakai la kaumahala ai a ia.
Ko e tau takamailoga ke moua he tagata ka mua ke he sivigaga tohi tala fetoko nei ko e taha mai he tau mena .nei' 1. Yohi Talahau ke he Moui he toa ko Ali; 2. Tikesi (ke lata mo e tokoua) ke o atu noa ke kitia e ata kifaga ki a Ali ka fakakite ai he tau aho gahoa e i mua; 3. Lapa Kofe hagaao ke he tautau lalahi ha Ali; poke 4. Ata fakatino he toa ko Ali mo pili e fale. Ha ia ma atu fanau poke atu fuata, ka fia manako a koe ke moua taha fakamailoga na i luga ti mafiti a ke tohi e tala haau ti fakafano mai ke he ‘MANA’ mogonei. Tatai ni ke tohi mai fakapalagi poke fakaNiue ti fakahu mai ke he mata higoa nei: . Muhammad Ah Essay Competition (Niuean Entry) c/- MANA P.O. Box 704 AUCKLAND. Manatu ke tohi mai e higoa mooli haau, kaina nofo haau, mo e motu haau ne hau ai. Tohi mai foki mo e nhrnela telefoni kaeke ke fai.
Permanent link to this item
https://paperspast.natlib.govt.nz/newspapers/MANAK19771013.2.57
Bibliographic details
Mana (Auckland), Volume 1, Issue 8, 13 October 1977, Page 7
Word Count
384Muhammad Ali Mana (Auckland), Volume 1, Issue 8, 13 October 1977, Page 7
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in