Ofisa Loea Foou
Ko e taha Ofisa Loea foou ne kito fakatu ai he mogo kua mole i Grey Lynn, kua hafagi tuai mogonei ke he tau tagata ke fakaaoga. Hafagi e Ofisa he hola 9 mogo pogipogi ke he hola 5 mogo afiafi. Ko e tokaaga he Ofisa nei, ha i he hala Lisimoni ne fehagai mo e hala Hakanoa i Grey Lynn. Ko e telefoni numela 769-085. PO Box 78-045.
Ko e gahua he Ofisa foou nei ke lagomatai atu poke fakatonu atu ke he tau fekau hagaao ke he tau mata fakatufono poke eke foki mo gutu-vagahau lagomatai ma lautolu e tau tafata kua manako ke he tau lagomatai pihia, ne nonofo he maaga ha Grey Lynn. To maeke foki ni he Ofisa ke fakahoko atu e lagomatai ki a lautolu kua nonofo tata atu he tau maaga nei ko Ponosonopi, Uesemia, Freemans Bay mo Hene Pei.
t Ko laua ne gahua i loto he Ofisa mena moua e tau totogi he laua. Ti ko laua ia ko e Loea ko John Mahiti Wilson mo e fifine gahua lagomatai maaga ko Vapi Kupenga. To lagomatai atu ki a laua e Loea ko Robert Ludbrook. Ko lautolu kua manako lagomatai kua amaamanaki ke totogi fakamua e lautolu $3.00 ke lata mo e fekau ha lautolu, ke e kaeke ke manako foki a lautolu ke fakalahi atu e tupe totogi ki mua ha ko e vihi poke uka he tau fekau ha lautolu, ko e mena ni he tagata a ia.
Ko e mena foou a nei - koe kamata la ia ke lagomatai atu ke he tau tagata, ti ko e kakano ha ia ne ta atu ai ke toka he mena ne tata atu ke he tau tagata maaga. Ti ko e kakano foki ha ia ne matapatu ai e gahua ke he tau tagata ne nonofo i Grey Lynn.
Ko mutolu e tau Niue ne nonofo i Grey Lynn, kaeke ke fai fekau faka-faahi fakafiliaaga poke falu a mena foki ka nakai fai loea ke o atu ki ai, ti o atu ke he Ofisa Loea na i luga.
Permanent link to this item
https://paperspast.natlib.govt.nz/newspapers/MANAK19770901.2.49
Bibliographic details
Mana (Auckland), Volume 1, Issue 5, 1 September 1977, Page 6
Word Count
352Ofisa Loea Foou Mana (Auckland), Volume 1, Issue 5, 1 September 1977, Page 6
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in