Fono Pasifika Aoga Pulotu

Mana (Auckland), Volume 1, Issue 5, 1 September 1977, Page 6

Fono Pasifika Aoga Pulotu

NIUE

Ha ha i ai taha matakau foou ne kua fakatu ai he Aoga Pulotu ha Aukalana (Auckland University) ne higoa ko e University Pacific Forum ke fakaholo ki mua e tau fakaakoaga mo e tau fakatutala&ga ke he tau mena he Atu Pasifika. Ko e matakau nei ne fakatu ai he taha komiti tose he Fono Pule he Aoga Pulotu (University Senate) - to kau fakalataha atu e matakau foou nei mo e tau hukui he tau fanau mai he tau atu motu he Pasifika ne fa e o ai he aoga Pulotu ha Aukalana pihia foki mo e Faahi Gahua he tau Aelani ko e Pacific Islanders' Educational Resource Centre. Kua amaamanaki pehe. to eke e matakau foou nei mo matutakiaga he Aoga Pulotu mo e tau matakau kehekehe he tau aelani ha ko e mena tokologa foki he tau matakau nei ne gahua ai a lautolu ne kua paase mai he Aoga Pulotu ha Aukalana. Ne nakai tokologa a lautolu mai he tau aelani ne fa e fakaako ai he Aoga Pulotu ka e taha e mena kua manako lahi a lautolu ne fare o ai he Aoga nei ke iloa he ta<u mena kehekehe hagaao atu ke he tau atu motu he Pasifika. Ti ko e manako nei kua tatai ni mo e tau faiaoga he Aoga ne fakaako ke he tau mena he tau atu motu he Pasifika. To fiafia e matakau foou nei ke iloa he tau tagata fai kotofaaga poke talahua mai

he tau atu motu Pasifika ka ahiahi fakaku mai ke he motu nei ke maeke ia lautolu ke uiina ke fai fakamatalaaga ke he tau tagata ha ko e mena tokologa e tau vahega tagata pihia ne fa e o fano ai ka e nakai iloa he tokologa he tau tagata. Ti ko e taha puhala a nei ke maeke ke iloa aki foki he tau tagata he motu nei e tau tala mo e moui he tau motu he Pasifika.

Ko e tau fono he matakau foou nei to fakavahega ni ke he tau tagata kua uiina ke fakamatala mo e ha lautolu a tau fakamatalaaga. Koefalua potopotoaga to ha ha i ai e tokofiha ni ti ko lautolu na ko e tau fanau poke tau tagata ha ne fakaako ai he Aoga Pulotu mo lautolu foki e tau faiaoga, ka ko e falu a fono poke tau potopotoaga to ha ha i ai e tokologa he tau tagata ti lafi atu foki ki ai e tau tagata tohi tala mai he tau kau nusipepa. Ko e tau fono to hoko ai he aho poke tau mogo afiafi - ko e uta ni ke he tau magaaho kua felauaki mo e tau fenoga ha lautolu ne fa e o mai mo e o. Ka manako taha ke iloa foki falu a fakailoaaga poke fakatonuaga ke he matakau foou nei ti fakamolemole kumi atu ke he Pulotu ko Dr Antony Hooper he Aoga Pulotu ha Aukalana telefoni numera 74-740 ext. 624 (poke I ohi Kupu Extension 9689 po ke 662). Po ke telefoni atu ke he kaina ha Dr Hooper numera 606-835.