Uapou Ekalesia Kuki Airani

Mana (Auckland), 16 June 1977, Page 3

Uapou Ekalesia Kuki Airani

Mei te Varaire Tiunu ra 3 1977 kite Manakai Tiunu ra 4 1977 kua rave te au Ekalesia Kuki Airani i Nu Tireni nei i tetai uipaanga maata ki Akarana nei ki roto i te are pure o te PICC i Edinburough St.

E uipaanga rave putuputu ia te ia e ratou i te au mataiti ta takitai. Tetai o to ratou au akakoroanga ko ia oki ko te kimi atu i tetai au ravenga e tupu taokotai ei ma te tau tikai te nooanga irinaki Atua o te iti tangata Kuki Airani i raro ake i te akonoanga Keresitiano PICC i Nu Tireni nei.

Tetai mea ou i rauka mai no roto i taua uipaanga maata nei ko ia oki ko te akaanauanga mai i tetai taokotaianga ta ratou i tapa kite ingoa Cook Islands Uapou Fellowship. Te au mata tei tae mai ki taua uipaanga ra no Wellington, Hasting, Tokoroa, Porirua, e te au

mangamanga i Akarana nei. E maata tikai ratou tei tae mai ki taua uipaanga nei. Na te au mata no te au Ekalesia i vao mai i rave i te au pure i roto i te au Ekalesia ta takitai i Akarana nei i te ra Sapati. E i taua po ra kua rave ia te pureanga maata taokotai ia kite are pure i Edinburough St. E i taua po rai ra kua rave ia tetai uapou maata ki reira rai. Kua mataora tikai tei reira. Kua rauka mai i taua po ra tetai moni maata tei tere atu i te $lOOO.OO. I muri ake i te ora taingauru ma rua kua rave ia te kaikaianga kapipiti. E i muri ake i tei reira kua rave ia atu tetai uraanga maata e ao ua atu.