He Kupu Tuku Mai.

Korimako, Issue 73, 16 March 1888, Page 9

He Kupu Tuku Mai.

Ki a Te Korimako. E Manu, —Tena ra koe! Ara koutou ko ou kaimanaaki tenei ahau tetahi o ou kaimanaaki te whakamihi atu nei kia koe i raro i te atawhai o te Ariki notemea e ora ana a Ihowa Atua o nga mano hei whakaneke atu i o tatou ra kite ora roa kia whakamoemiti atu ai tatou ki a ia kia whakakororia ai i tona ingoa tapu i runga anohoki i te ingoa 0 Ihu Karaiti. Heoi te mihi. E Manu, mau e taakawe atu aku toru kupu nei hei tirohanga iho mo o taua hoa e noho nei i runga 1 te tuara o Aotearoa. Ara ko aua kupu korero mo te matenga o to matau kaumatua o Hare Mauhata i mate ia i te 26 o Tihema, 1887. Ko te Putake o tona mate he motu i te huuka na e hoa ma kite titiro iho a te iwi Maori he pakunoa taua mate engari ora tonu ia, e ora, mehemea i noho i te kaainga nei na runga i tona whawhai kia wawe ia te ora ka puta mai te hiahia kia haere ia ki Kihipane kia Rongoatia tona mate e nga takuta no tona taenga ki reira ka tirohia e te iwi mohio nei e te takuta Tirohia ana he mate nui rawa atu. Katahi ka puta te hiahia o nga takuta kia tapahi te waewae. Te motunga tonutanga o te wae wae ka hemo, kotahi puutu pea te waahi i tapahia e aua takuta. E hoa ma, ki taku mahara iho mehemea ka mahia hai tangata tera waahi i tapahia ra e nga takuta tera e oti noa atu, he tangata aue taukiri e kohea rate mate hei rite mo tenei mate te kino. E hoa, kanui to matou tangi ki to matou kaumatua ekore e mutu ia matou te koingo ki a ia notemea he mate oho mauri tenei mate kaore hoki matau i kite atu i tona matenga. Otira na te Atua pea te hiahia i hoatu ki roto ki a ia kaore hoki he ra matenga moona i ko atu ka mutu tonu, kaati kei te tangi toonu matau i naianei mo tenei kaumatua notemea ko te whaka-

hemotanga tenei o matau kaumatua otira tenei ano etahi o matau kaumatua kai te ora heaha ranei he mate mo ratou i enei ra. Heoi ano koi hoha koe.—Na to hoa pononga iti nei, Apiata Teiritawai. Uawa, Tologa Bay, Pepuere 23, 1888.

Ki a Te Korimako. E Manu, —Tena ra koe te ohaanga tipuna kua ngaro atu ra kite po waiho iho nei ko koe i te ao nei hei kawe i nga rongo korero o te ao katoa. Heoi te mihi. E manu, mau e tuku atu aku kupu hauarea nei hai tirohanga iho ma aku hoa o te hunga tapu o te momona. A, puta atu ki era o kaimanaaki e noho mai ra i tera waahi i tera wahi o te motu nei, ara ko aua korero he whakahoki mo te pukapuka o aku hoa o te momona, ara ko aua tangata nana taua pukapuka, ko "Wiremu Pakimana, Hori Teira, me Honore Hanare. E hoa ma, e aku hoa e mau iho ra nei o ratou ingoa i runga ra kia rongo koutou he Atua ano tooku to te iwi Maori i mua ko Tawhaki muri mai nei, ka tae mai te Bongopai, tuatahi ki tenei motu katahi ka huaia te ingoa tuarua o Tawhaki kate Karaiti na te Karaiti te ingoa e kauwhautia nei a ko tenei Ihu Karaiti e kauwhautia nei e matou e Tama na te Atua ora, e hoa ma e aku hoa puritia mai to koutou mohiotanga aua hei mauria haeretia i te takiwa haere ai, notemea kai te ata noho atu nei notemea kai te mohio nga mea o koutou i konei ara nga mea o matou i raru ki to koutou Haahi kai te mohio ratou he iwi mohio nga iwi o tenei motu kite whakahaere i nga tikanga o te Karaipiture mete whakapono i runga ano hoki i te ingoa o te Poropiti, ingoa nui o Ihu Karaiti, e kore hoki matou nga iwi o tenei motu e whakapono ki nga Poropiti e puta ake ana i to matou nei takiwa kai te mohio hoki tatou

kite kupu ate Karaiti me nga Poropiti Teka. Eki ana hoki te kupu i nga waiata a Rawiri xii. 2, 3, 4:—" E korero teka ana ratou ki tetahi ki tetahi he ngutu patipati he ngakau rua o ratou ina korero. Ka hatepea e Ihowa nga ngutu patipati katoa mete arero e korero whakapehapeha ana. E mea nei, ma o tatou arero tatoii ka kake ai; no tatou ano o tatou ngutu, ko wai hei ariki mo tatou." Heoi kei muri te roanga.—Na to koutou hoa pononga iti nei, A. Teiritawai. Maehe 1, 1888. Uawa, Tologa Bay,