Nga Taheke.
Ko nga kupu me nga whakaaro whakatupato i raro iho nei, i ahua rite ki ngo kupu a Kawhe (Gough) te tino tumuaki o nga Tiitotara o Amerika. VvTiakarongo mai e nga taitamariki e paa ana ki tena kai whakawai tangata (ara te waipiro). E ae tana, i aku haerenga i ia wahi i ia wahi o Amerika i tae atu ahau ki nga Taheke nui o taua kaainga, rongo ana ahau i te harurutanga mete parikarangaranga o aua Taheke, aue ana te ngakau i te miharo. Ano ko au, ki taku hoa kohea te awa ra? "Tena" ano ko ia "ko te Awa Naeakara." Ano ko au, taukiri e! katahi te awa pai, kohikohiko ana te uira o te wai, marino tonu; pehea koia te tawhiti o nga Taheke ? Kii mai ana taku hoa kotahi pea maero e rua ranei. Kati rawa te tawhiti, kotahi anake ranei maero, e tae ano taua kite tino ia o nga Taheke ? " Koia ano tena, e Ta." I taku taenga atu i taku orokokitenga ia Naeakara hore rawa au e wareware. Tena ra, e nga taitamariki toia to koutou waka kia manu i runga i te awa ra, marino ana, hore he ngaru e ahua maeneene, ana, tere ana te kare, i te ihu, koriporipo ana te ia imuri o te waka, ano te ahuareka, rere tonu koutou i te awa whakararo, ko nga hoe me nga ra, mete urungi e rite katoa ana. Haere koutou ki to koutou takaro ahuareka. Hoho whakarere ana te karanga o tetahi tangata i te tahataha. E tama ma ! E aha koia ! Kei raro iho nga Taheke. Ha, ha! kata tonu "ka kii ratou" kua rongo matou i aua taheke, he kuare koia matou kia haere ki reira ? Mehemea ka tere rawa ka ahu ano matou ki utu, ka whakaarahia e matou te tiratu mete ra o te waka e kore ra e wheau ka u
kite wahi e pai ai matou. Tena ra hoea e hoa ma, kei wehi, kahore he mea e mataku ai. E Tama ma!! E aha koia ? Kei raro iho nga Taheke ! Ha, ha! kua pera ano te karanga o tetahi moho! e aha i whakawarea ai ki ena Taheke, ka kata ka inu ano matou i nga mea e pai ai matou, e aha kia manukanuka ai matou ki nga mea o apopo ? keihea te tangata i kite ai taua ra! Kati ano i tona rangi ano, ko te kino ona ake ano, ka awhi atu ano matou, i nga mea e manako ai matou. He tino whakaoranga tenei i te ngakau, ehara i te hanga te rawe o te mahi nei, ano ka tata tatou kite roma o te Taheke koreira ka urungi ketia ai ta tatou waka. Tena kia umere tatou? tukia ta tatou waka! Hoea te ihu! hoea te kei! A-a-a-tena, tiaia! Kia ngoto! E-e-e-! Tena tiaia! E Tama ma!!! E aha koia ? Kia tupato !!! kia tupato !!! Ko nga Taheke kei raro iho ia koutou! Tirohia te rae raka, ekore ra e wheau ka puhure! Tirohia te roma o te wai e koropupu na, e taka awhiowhio ana i te taha o to koutou waka! . E ! koia ano! urungitia! tena kia huri. Kei urupa nga hoe, kia kaha! kia kaha! kia tere! kia tere ! hoea ! kei mate, hoea ! kei mate, kia uaua! kia uaua! kia puta ra ano te toto o nga pongaponga kia pena nga uaua o te rae me he aho Whakaarahia te tiratu hutia te ra! E, e ! Ketekete ana, kua tureiti! Ka tangi, ka kanga, aue ana, taka whakarere totohu-iho paremo ana i te ia i te kare o nga Taheke! Tae ana ki uta te rongo o te parikarangaranga me te Tangi-a-tahu! Torona te ringa Kite awa pouri kerekere Hui ake nga turi Ki porokaki E tuohu kau nei tatou.—E. E mano e mano o nga nga tai-
tamariki i tenei ao marama, i tenei whenua ahuareka e haere aue ana i ia tau. i ia tau ra runga i nga wai Taheke o te haurangitanga, ko te tangi tonu tenei; ano ka rongo au i te mamae o taua tu kai, koreira ka whakarerea e au. Kei wareware tatou e Tama ma kite whakatauki tuarangi "He kuarahi ano tera e tika ana ki ta te tangata titiro iho; tona mutunga ia ko nga huarahi kite mate. Na Te Irimana.
Permanent link to this item
https://paperspast.natlib.govt.nz/newspapers/KORIM18880316.2.13
Bibliographic details
Korimako, Issue 73, 16 March 1888, Page 8
Word Count
729Nga Taheke. Korimako, Issue 73, 16 March 1888, Page 8
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in