He Kupu Tuku Mai.
Ki a Te Korimako. E hoa, —E te manu koroki ote motu o Aotearoa nei. Tenei utaina atu ki runga ki a koe nga pouritanga mo ta matou tamahine i mate i te 29 o Hune, he kotiro rangatira- no Ngatikahungunu, i mate ki Heretaunga, ko te take i mate atu ai ki reira, ko tona tungaane i moe i te wahine 0 Heretaunga, he mokopuna kia Te Harawira Tatere. Ko te ingoa o taua kotiro ko " Keita Haronga," e toru tekau ona tau. Ko ana kupu i mua tata i tona hemonga, " hei konei e te iwi i aku tamariki, kia kaha kite whakapono, kia tae ai tatou ki te rangi." Ko tana waiata tenei 1 tona matenga. " I warea aku ringa kite whakakapi mai i aku rau rakau, hei whakaahuru iho mo te mamae i ahau, e kakari noa nei e kotikotia ana e te mo whakaripi e." Na matou tenei poroporoaki na ona hapu na ona whanaunga, " haere atu i te ara 0 tupuna, o matua, haere i runga 1 aitua." Heoi ano, he reta mihf tena na ona iwi me ona whanaunga hei titiro iho ma nga iwi me e ona whanaunga i tenei motu. Na Henare Mihingare, Paora Haronga, Meretene Ngapera, Tari Tangi, Te Whiri, Tauuriuri, Ngarori Bihimona, Materoa Kumeroa, Tangiora Rapuhina, Keita Materoa, ara na matou katoa na ona whanaunga. Na Heretaunga. Nuhaka, Wairoa, Akuhata 18, 1885.
Ki a Te Korimako.
E manu, —Tena koe 1 Mati e tuku atu enei kupu ruarua hei whakaatu ki o tatou hoa Maori, Pakeha hoki i te motu, mo tenei tamaiti rangatira mo Kingi Topia Turoa. He tamaiti rangatira tenei no roto i enei iwi, ia Ngatituwharetoa, Ngatiliau; lie mokopuna na Puhaorangi, na Ngator oirangi, na Tuwharetoa, na Tamatea, na Kahuhunu, na Kongomai-
papa, na Kahukuranui, na Rakeihikuroa, na Tupurupuru, na Rangitihi Whakahirahira ; na Taoi Kaiawhewhare, na Toi, na Rauru, na Turi, na Whatihua. He tangata hautu tenei i runga i ona waka ia te Arawa, ia Aotea, ia Takitimu, ia Tainui, ia Matatua. No te 2 o nga ra o Akuhata i wehe atu ai tona tinana ia matou, kua waiho ki ona iwi ko te puna o te roimata ko te pouri mete mamae e kore ie mutumutu mo ake, ake, ake tonu atu. Kua whakanuia ia e ona iwi i runga i tana mahi atawhai ki ona iwi Maori me ona hoa Pakeha. Ka tata ia kite hemo, ka puta tana kupu poroporoaki, "hei konei koutou ka haere tenei kite haerenga kahore nei e hoki mai, kia mau kite atawhai tangata, kia mau kite whakapono, kia waiho ai te whakapono hei arai mo te uma, ko raro o nga waewae kia herea kite whakaunga ote rorigopai mete rangimarie, ma enei kupu ka kore ai e puta te kino." Heoi ana kupu, ka pakeke ona ringa ka moe ona kanohi. He nui te tangi ona iwi i hui ki runga ki a ia, kotahi wiki e tangi ana katahi ka pakarukaru. Na Te lliraka Te Rango, Na Erueni Amorewa. Moawhanga, Nepia, Akuhata 15, 1886.
Ki a Te Korimako.
E pa,—Tena koe! I tera atu marama i tae atu maua ko Wi Patene Tarahanga, tetehi o nga rangatira o Patuheuheu, ki Otewa, te kaainga o Te Kooti, ko taua kaainga kei tera taha o Puniu, i te taha whakauta o te awa o Waipa. Tae rawa atu maua ki te marae o tona kaainga kua takoto te kai ki to maua aroaro, e ki ana etahi o ratou kua kite noatu to ratou tohunga ia maua e haere ake ana, nui rawa atu te takoto pai o taua kaainga rite j tonu kite taone Pakeha, rarangi haere tonu nga whare, ko nga roro e anga atu ana ki Te Rawhiti, ko te marae nui noa
atu te rahi. Ko nga whare tahu kai kei tetehi taha engari kia matara atu i nga whare moenga, takitahi nga koroheke o taua kaainga, e alina taitamariki ana te nuinga o ratou, e tae atu ana pea kite kotahi rau ma wliitu ratou katoa. E nui ana a ratou tamariki, nui rawa atu te pai te paru kore o aua tamariki tae noa ki nga whaea, otira nga tangata katoa o taua marae, he horoi tonu te mahi i nga ata katoa. Me waiho tenei kaainga hei tauira mo etehi kaainga Maori, e rima o maua ra ki reira, kanui to maua ora i te kai kahore rawa e hapa ana nga kinaki o te awa o Waipa i te tuna, ta te tohunga pai kite whakaatu atu i nga moenga tuna. No te hokinga atu o Wi Patene Tarahanga ki tona kaainga i te Houhi i te awa o B-angitaiki, ka timata tana mahi whakararangi haere i nga whare o tona marae, kotahi tekau ma xima nga whare hou kua oti inaianei, kei nga ra o Pepuere te huihui ai a Te Kooti me ana tangata katoa ki Te "Whaiti kite whakahaere i ana mahara ki nga iwi o reira, ka huihui katoa te Urewera me nga tangata katoa o Whakatane kite whakarongo korero a taua ra. Heoi te kupu. Na Hake Bauparaha.
Permanent link to this item
https://paperspast.natlib.govt.nz/newspapers/KORIM18850915.2.13
Bibliographic details
Korimako, Issue 44, 15 September 1885, Page 3
Word Count
858He Kupu Tuku Mai. Korimako, Issue 44, 15 September 1885, Page 3
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in