Te Huarahi Ora.
Ko te kore horoi kia ma, hore rawa he take e ahei te whakatika. I te kaainga whai wai, kahore he tikanga e noho paru ai te tangata. Ko te rerenga o te kakawa i o tatou tinana, e ako ana ia tatou kia kakahu ano i etahi atu kakahu kahore he kakawa i roto. Ko nga kakahu ma ka kakahuria houtia, he huarahi whakatikatika i nga wai e puta ana i te kiri o te tangata, ma konei ka ora ai. Ano ka puta nga mea e tika ai ma te kakawa e kawe, a ka waiho ena mea kia piri kite tinana, ki roto ranei i nga kakahu aua mea haunga, ko te huarahi tena o nga piwa me era atu taru kino. Ko te nuinga o nga taru o te kiri, e paa ana kite tangata na te kore horoi, otira e kore e roa te mana o aua taru mehemea ka hono tonu te horoi. Na tenei take paru hoki i mui mai ai nga tini ngaarara whakarihariha ki te tinana, ki nga whare, ki nga ahanoa ki nga ahanoa. I penei ai nga tukunga iho o nga mea whakarihariha kite tinana, kia kaua ai te tangata e r.oho mangere ki nga mahi e ora ai ratou i runga i te huarahi e tika ai te ora mete pai. Ko nga tini take o nga piwa me nga kiri-ka e kore nei e tohungia te tangata na te noho paru na te kore horoi kia ma. Ko te huarahi mai o enei piwa e timata ana i nga tangata no roto i nga whare e tutaki tonu ana, i nga whare paru, ko o ratou manawa e ngaa ana i te hau-kino o aua whare, e kai ana hoki ratou i nga kai kino, e kakahu tona ana i nga kakahu paru. Ko aua tu kaainga me aua tu whare me nga tangata no aua waahi, koia pu nga kohanga e pao ai nga hua o nga ngaarara e rere ana ki ia waahi ki ia waahi, marara ana ki nga waahi tawhiti mete kawe tonu i nga mate e ngaro ai te tokomaka. Na konei ka whakahau te Kawanatanga kia whakaaro tatou kia whai atu tatou ki nga huarahi o te paru-kore, kia whai atu
tatou ki nga huarahi e ma ai te tinana, kia tau ai te ora kia kaua ai e paa te mate. Kei penei tetahi o tatou, e noho pai ana ahau notemea e horoi ana ahau i tooku tinana me oku kakahu, me whakaaro ano ia mehemea e noho paru ana ona hoa ma kona ka mate ano ratou me ia ano hoki. Mehemea e kore e ahei kia peia nga tangata paru mo runga i te take whakarihariha, ka tika ano ta tatou noho ke atu kei paa mai aua taru kia tatou. Ko nga tangata katoa e hiahia ana kia ora ai ratou me tupato me noho ki, tahaki rawa atu i aua tu kaainga. Ko nga kaainga he tokomaha nga tangata kei roto, ko te tino taonga ia mo ratou ko te wai kia ahei ai ratou te horoi i o ratou tinana, i nga kakahu, me nga ahanoa, ahanoa.
Permanent link to this item
https://paperspast.natlib.govt.nz/newspapers/KORIM18850815.2.6
Bibliographic details
Korimako, Issue 43, 15 August 1885, Page 2
Word Count
536Te Huarahi Ora. Korimako, Issue 43, 15 August 1885, Page 2
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in